4 Tshamani ka mina, na mina ka nwina. Kota lezi a ravi gi nga zi kotiko ku pswala mihanzu ha goce, sine loku gi tshamile tshinyeni ga vina, hizalezo na nwina loku mu nga tshami ka mina. Kol. 1:23; 1 Joh. 2:6
Himani loyi a tako hi le xiwuleni, A khegeleko laha ka muranziwa wakwe? Nzi lo ku vuxa na u hi hasi ka sinya ya mamasa, Laho u belekelweko kona hi mamani wa wena, Kwalaho a ngazwa kubayiseka, a ku beleka.
Efraime, i mhaka muni nzi nga nayo ni zifananiso? Mina wutsumbu nzi mu hlamule, nzi ta mu khatalela. Mina nzi kota a sinya yo nyuka ya khuwu, a mihanzu ya wena u ta yi kuma ka mina.
Wulani lezaku a sinya yi nene, ni mihanzu ya yona yi nene; kutani lezaku a sinya yi bihile, ni mihanzu ya yona yi bihile; hakuva a sinya yi tibyiwa hi mihanzu ya yona.
Kanilezi leyi yi weleko misaveni yo saseka, hi vona lava na va zwile a mhaka, va yi hlayisa hi mbilu yi nene ni yi longamileko, va pswala mihanzu hi kutimisela.
mina ka vona, na wena ka mina, kasi vava munwe hi kumbheleleko; kasi a tiko gi fela ku zi tiva lezaku u nzi rumile, niku, u va ranzile kota lezi u nzi ranzileko. Kol. 3:14
Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.
na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17
Ti hloteni wutsumbu ga nwina, mu wona loku mu hi kona kukholweni; ti kambeni wutsumbu ga nwina. Kutani a mu zi tivi nwina lezaku Jesu Kristu i kona ka nwina ke? Loku zi nga hi tano a mu na ku amukeleka. Joh. 17:23; Rom. 8:10; 1 Kor. 9:27; 11:28; Gal. 4:10
Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15
loku nwina mu simamisa kukholweni, na mu zimekilwe muku nde, mu nga tsiki ku tsumba a ivangeli leyi mu yi zwileko, leyi yi nga kanelwa ka zivangwa zontlhe lahasi ka tilo, leyi mina Paule nzi nga mahiwa nanza ga yona.
Hakuva Nungungulu i lo ranza ku va tivisa lezaku ku talisile kuyini a kungangamela ka fihlakalo lowu xikari ka vamatiko, lowu wu nga lezaku Kristu i xikari ka nwina, loyi a nga kutsumba ka kungangamela.
Hi kota ya lezo laha nzi nga kala nzi nga hi nako a ku retsevele, nzi lo mu ruma lezaku nzi fela ku tiva a kukholwa ka nwina; kutani mu nga ngha mu ringilwe hi muringi, ni ntiro wa hina wu maha wa mahala. 1 Kor. 7:5; Gal. 2:2
Kanilezi hina a hi lava va tlhelelako nzhako kulobyisweni; kanilezi hina hi vona lava va nga ni kukholwa, a ku kasi ku hanyiswa a mihefemulo ya hina. Miti. 16:31; 2 Ped. 2:20
Kani hi wihi loyi a hambukako, a nga namareli gonzweni ya Kristu, a nga na Nungungulu; kani loyi a namarelako gonzweni i na ni Dadani ni Nʼwana kambe. 1 Joh. 2:23
