Johani 15:11 - Tshwa Bible

¹¹ Nzi mu byelile lezi, kasi a kutsaka ka mina ku fela ku tshama ka nwina, ni lezaku a kutsaka ka nwina ku mbhelela. 1 Joh. 1:4

Johani 15:11 교차 참조

Isaya 53:11

I ta wona mihanzu ya kuxaniseka ka muhefemulo wakwe, a eneliswa; Hi kutiva kakwe a nanza ga mina gi lulamileko gi ta maha vanyingi va lulama, Hakuva i ta rwala zigoho zabye.

Isaya 62:4

U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.

Jeremia 32:41

Nzi ta tangaliswa ha vona, nzi va katekisa; futsi nzi ta va zimeka tikweni legi hi mbilu ya mina yontlhe ni muhefemulo wa mina wontihe. Deut. 30:9

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Zefania 3:17

Jehova a Nungungulu wa wena, i lomu xikari ka wena, i nhenha leyi yi hanyisako. I ta ku tsakela hi zigingi, a miyela liranzweni lakwe, a ku tsakela hi tisimu.

Luka 15:23

mu neha a role gi nonileko, mu gi tlhava; hi taga, hi tsaka:

Luka 15:32

Kanilezi zi wa fanele ku va hi tsaka ni ku nengela; hakuva a nakuloni loyi i wa file, kanilezi i tlhelile a hanya; i wa lahlekile, makunu i kumilwe.

Luka 15:5

Laha na a yi kumile, i yi rwala makatleni hi kutsaka.

Luka 15:9

Laha na a gi kumile, i vitana a maxaka yakwe ni vaakelane vakwe, aku: Tsakani na mina, hakuva nzi gi kumile a cheleni legi nzi nga lahlekelwe ha gona.

Johani 16:24

Cima ka lezi a mu se nga kombela nchumu vitweni ga mina; kombelani, mu ta nyikiwa, kasi a kutsaka ka nwina ku fela ku mbhelela.

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Johani 17:13

Kanilezi makunu nzata ka wena; nzi kanela lezi zilo na nza ha hi tikweni, kasi a kutsaka ka mina ku fela ku mbhelela ka vona.

Johani 3:29

Loyi a nga ni mutekiwa hi yena muteki; kanilezi a nyatsumi wa muteki, loyi a yimako kona a muzwa, wa tsaka nguvu hi kota ya gezu ga muteki; hi kona kutsaka loku ku tatisekileko ka mina. Mat. 22:2; Efe. 5:25; Kuv. 21:9

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

2 Va le Korinte 1:24

Na ku nga hi lezaku nzi ranza ku fumela a kukholwa ka nwina; kanilezi nza lava ku mu vuna a kuva mu tsaka, hakuva mu yimile khwatsi kukholweni. Rom. 11:20; 1 Kor. 15:1

Va le Efesusi 5:18

Mu nga popiwi hi vinya, legi gi vangako wudakwa, kanilezi tatani hi Moya,

Va le Filipi 1:25

Na nzi nga hi na kukanakana mhakeni leyi, nza zi tiva lezaku nzi ta simama, nzi tshama na nwina nwentlhe, kasi maya mahlweni muva ni kutsaka kukholweni;

1 Va le Tesalonika 5:16

Tsakani xikhati xontlhe.

1 Pedro 1:8

loyi mu mu ranzako hambu lezi mu nga mu wonangiko; loyi mu kholwako ha yena hambu lezi mu nga mu woniko makunu, mu tsaka nguvu hi kutsaka loku ku nga wulekiko, loku ka hombe; Joh. 20:29; 1 Joh. 4:20

1 Johani 1:4

Ha mu tsalela timhaka leti kasi a kutsaka ka nwina ka tatiseka.

2 Johani 1:12

Nza ha hi ni timhaka to tala, kanilezi a nzi ranzi a ku mu tsalela ha tona hi papilo ni tinta; hilezi nza tsumba lezaku nzi tata, ka nwina, hi ta wulawula hi milomu, kasi a kutsaka ka nwina ka mbhelela.