Johani 15:10 - Tshwa Bible

¹⁰ Loku mu hlayisa a milayo ya mina, mu ta tshama liranzweni la mina; kota lezi mina nzi hlayisileko a milayo ya Dadani, nzi tshama liranzweni lakwe. Xip. 14:23

Johani 15:10 교차 참조

2 Samueli 22:22

Hakuva mina nzi hlayisile tindlela ta Jehova, A nzi hambunyetangi ka Nungungulu wa mina.

2 Tihosi 18:6

Hakuva yena i lo namarela ka Jehova; a nga mu tsikangi: i lo hlayisa milayo leyi Jehova a nga leletela Mosi.

Eksodusi 7:6

Mosi na Aroni va lo maha lezo. Va maha kota lezi Jehova a va leleteleko.

Isaya 50:5

Hosi Jehova i nzi vululele a ndleve, A nzi alangi, a nzi tlhelelangi nzhako.

Johani 10:18

A ku na munhu a nzi tekelako kona, kanilezi nza ku nyikela ha nzoce. Nzi na nzi ntamu ku ku nyika, nzi na ni ntamu wa ku tlhela nzi ku teka. Nzi leletelwe lezo hi Dadani. Xip. 2:19; 6:38; 15:10; Miti. 2:24, 32

Johani 12:49

Hakuva a nzi kanelangi hi wutsumbu ganga; kanilezi Dadani loyi a nzi rumileko, i nzi layile hi lezi nzi ta nga wulawula, ni lezi nzi ta nga kanela. Deut. 18:18; Xip. 8:38; 14:10

Johani 14:15

Loku mu nzi ranza, mu ta hlayisa milayo ya mina. 1 Joh. 5:3

Johani 14:21

Loyi a nga ni milayo ya mina, a yi hlayisa, hi yena loyi a nzi ranzako; ni loyi a nzi ranzako, i ta ranziwa hi Dadani; na mina nzi ta mu ranza, nzi ta ti wonekisa ka yena. Mavesi 15, 23; 1 Joh. 5:3

Johani 14:23

Jesu i lo mu hlamula, aku: Loku munhu a nzi ranza, i ta hlayisa timhaka ta mina; Dadani i ta mu ranza, zonake hi tata ka yena, hi tshama zinwe naye. 1 Joh. 2:24; Kuv. 3:20

Johani 14:31

kanilezi zi maheka kasi tiko gi fela ku zi tiva lezaku nza mu ranza Dadani, ni lezaku nzi maha lezi Dadani a nzi layileko. Vukani, a hi sukeni laha. Xip. 10:18; Fil. 2:8

Johani 17:4

Nzi ku dumisile misaveni, hi ku mbheta a ntiro lowu u nzi nyikileko wona a ku wu tira. Xip. 5:36; 13:31; 15:10

Johani 4:34

Jesu aku kabye: A zakuga za mina hi ku maha a kuranza ka loyi a nzi rumileko, ni ku mbhetisa a ntiro wakwe. Joba 23:12; Xip. 6:38; 17:4

Johani 8:29

Loyi a nzi rumileko i zinwe na mina, a nga nzi siyangi nzoce; hakuva xontlhe xikhati nzi maha lezi zi mu xalalisako. Xip. 4:34; 5:30; 14:10; Vesi 16

Johani 8:55

kasi a mu mu tivangi, kanilezi mina nza mu tiva; ni loku nzi wa ta wula nziku: A nzi mu tivi, nzi tava muhembi kota nwina. Kanilezi nza mu tiva, nzi hlayisa a mhaka yakwe. Xip. 7:28, 29

1 Va le Korinte 7:19

A wutshiva a hi nchumu, ni wuhkhuna a hi nchumu; a xa hombe hi ku hlayisa a milayo ya Nungungulu. Joh. 15:14; Gal. 6:15; Kol. 3:11; 1 Joh. 2:8

1 Va le Tesalonika 4:1

Tlhatakumbiri, vamakabye, ha mu khongotela ni ku mu luleka ka Hosi Jesu, lezaku kota lezi mu nga gonza ka hina a mahanyela lawa ma xalalisako Nungungulu, simamisani ni ku anza ka wona. Kol. 1:10

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

2 Pedro 2:21

Hakuva ngha ku hi chukwana ka vona loku va wa nga tivangi a ndlela ya kululama, a ku hunza lezaku na va yi tivile va tlhelela nzhako, va tsika a xileletelo xo basa lexi va nyikilweko xona.

1 Johani 2:3

Hi laha hi zi tivako ha kona lezaku ha mu tiva, loku hi hlayisa a milayo yakwe.

1 Johani 2:5

Kanilezi ni wihi a hlayisako a mhaka yakwe, hakunene a liranzo la Nungungulu li mbhelelisilwe ka yena. Hi laha hi zi tivako lezaku hi kona ka yena. Joh. 14:23

1 Johani 2:6

Loyi a wulako aku i tshama ka yena, i yimelwe hi ku famba kota lezi yena a nga fambisa zona. Mat. 11:29; Joh. 15:4, 5; 1 Ped. 2:21

1 Johani 5:3

Hakuva a ku mu ranza Nungungulu hi ku hlayisa milayo yakwe; ni milayo yakwe a yi karati. Mika 6:8; Joh. 14:15, 21, 23

Kuvululelwa 22:14

Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. Dan. 12:12