A hi vinzuke ni mixo hiya zivineni. Hiya wona loku mavina ma kari ma pfepfa, Ni loku a zitsangi za wona zi balekile, Ni loku a zitsangi za pomegranada zi rumbukile; Laho nzi ta ku nyika liranzo la mina.
A ka siku lego a hluke ga Jehova gi tava gi bombisilwe gi ngangamela, a mihanzu ya misava yi tava yi nene ni ya wumbhuri a ka lava va ponileko va ka Israeli. Ekso. 19:5; Lu. 10:20; Kuv. 13:8
A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13
Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.
Nzi lo ku byala na u hi sinya yo saseka ya vina, Ya lixaka li nene; Hikuyini makunu u hunzukileko u maha sinya ya limbe lixaka ke? Mat. 21:33; Mar. 12:1; Lu. 20:9
A mamani wa wena i wa fanana na wena, kukotisa a vina wu byalilweko kusuhi ni mati, Wu pswala nguvu, wu chela tiravi to tala hi kota ya kutala ka mati.
Israeli i vina wu tlhumileko nguvu, wu pswalako mihanzu. I anzisile a maalati yakwe maringano ni wunyingi ga mihanzu yakwe; laha a misava yakwe yi nga enzeleka ku nona, hi kona a nga engetela kusaseka ka zifananiso.
Zwana makunu, wena Joxua mupristi wa hombe, wena ni vanghana va wena lava va tshamileko mahlweni ka wena, hakuva a vavanuna lava va tava xikombiso; hakuva nzi ta neha a nanza ga mina Hluke. Isa. 8:18; Jer. 23:5; 33:15
Ingisani munwani mufananiso: Ku wa hi kona a nwinyi wa yindlu, a nga byala a xivina, a xi bhiyela lihlavu, a kehla xigowolo xo kamela mihanzu ya kona, ni ku aka tshala; i lo xi nyikela mandleni ya varimi, a enzela ginwani tiko. Mar. 12:1; Lu. 20:9
Zonake i lo sangula ku kanela kabye hi mifananiso, aku: A munhu i lo byala xivina, a xi bhiyela lihlavu, a kehla a xigowolo xo hlutela vinya, ni ku aka tshala; zonake i lo xi nyikela ka varimi, aya matikweni. Mat. 21:33; Lu. 20:9
I lo kanela mufananiso lowu: A munhu wo kari i wa hi ni sinya ya nkuwu yi byalilweko sinwini gakwe ga xivini; i loya ku ya lava a mihanzu ka yona, kanilezi a nga yi kumangi. Isa. 5:2; Mat. 21:19
Ni gihi ravi gi nga ka mina, legi gi nga pswaliko mihanzu, wa gi tsema; kanilezi legi gi pswalako mihanzu wa gi thena, kasi gi fela ku pswala hi kuhunzeleleko. Mat. 15:13
Jesu aku ngalo kabye: Hizinene nziku ka nwina: Ku wa nga hi Mosi a nga mu nyika xibaba xa le tilweni; kanilezi a Dadani wa mu nyika a xibaba leʼxi nene xi tako hi le tilweni.
Kanilezi loku manwani maravi ma phatlulwe, na wena loyi u nga oliva wa lomu khwatini, na u tlhomilwe xikari ka wona, u hlengela nawo a mutsu Wa kunona wa sinya ya oliva, Jer. 11:16; Efe. 2:12
Ahembalezoke, nza mu tsalela a nayo muswa, lowu wu nga zinene a ka yena ni ka nwina; hakuva a munyama wa hunza, ni kuwonekela ka zinene ka woninga. Joh. 1:9; 13:34; Rom. 13:12
