Johani 13:8 - Tshwa Bible

⁸ Pedro aku ka yena: Cima u nga ta hlambisa mina mikonzo. Jesu aku kakwe: Loku nzi nga ku hlambisi, a ku na xiavelo zinwe na mina.

Johani 13:8 교차 참조

Genesisi 42:38

Jakobe aku; Mu nga ta famba ni nʼwana wa mina, hakuva a nakulobye i file, hi yena yece a seleko; loku mu famba naye mu dzuka mu humelwa hi mhango lomu ndleleni leyo mu ta nga famba ka yona, mu ta relelisa a wuvu ga mina hi xiviti le nkeleni.

2 Samueli 20:1

Makunu ku lo humelela a nyamijiri wa wanuna, a vito a nga hi Xeba nʼwana Bikiri a muBenjamini. I loba mpunzu, aku: Hina a hi na xiavelo ka Davida, ge hambu tshomba ka nʼwana wa Jese! Va ka Israeli, munwe ni munwani wa nwina a fambe tendeni gakwe!

1 Tihosi 12:16

Laha vontlhe va ka Israeli vanga wa wonile lezaku a hosi a yi va ingisangi, a vanhu va lo hlamula hosi, vaku: Hi na ni xiavelo muni na Davida ke? Hina a hi na tshomba ni nʼwana Jese! Va ka Israeli, fambani matendeni ya nwina! Wena Davida, cuwuka a yindlu ya wena nwinyi! Zinghaho a va ka Israeli va lo tlhelela matendeni yabye.

Tisimu 51:2

Nzi hlaze nziku pa kugoheni ka mina, U nzi basisa kuonheni ka mina.

Tisimu 51:7

Nzi basise hi hisope lezaku nziva a hlazekileko; Nzi hlaze, nzi maha wo basa ku hunza gapongo. Levi 14:4, 6; Mitse. 19:18; Isa. 1:18

Isaya 4:4

laha a Hosi yi ta ngava yi hlazile a chaka ga vanhwana va Zioni, ni ku susa a nkhata wu nga xikari ka Jerusalema hi moya wa kulamula ni moya wa kuhisa.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Mateu 16:22

Pedro i lo mu teka tlhelweni, a mu kawuka, aku: Hosi, u nga alakanyi a za kunghahi; lezi cima zi nga ta maheka ka wena.

Mateu 21:29

I lo hlamula, aku: Nyawowe; kanilezi hi lenzhako i lo hunzuluka, aya kona.

Mateu 26:33

Pedro i lo hlamula, aku ngalo ka yena: Hambu loku vontlhe va khubeka ha wena, mina cima nzi nga ta khubeka. Lu. 22:34; Joh. 13:38

Mateu 26:35

Pedro aku kakwe: Hambu loku nzi ngafa na wena, nzi nga ta ku kaneta. A vapizani vontlhe va wulawu zalezo.

Johani 13:6

Ata ni ka Simoni Pedro, loyi a ngaku ka yena: Hosi, wena u ta hlambisa mikonzo ya mina ke?

Johani 13:9

Simoni Pedro aku ngalo kakwe: Hosi, yi ngavi mikonzo ya mina ntsena, kanilezi ni mandla ni hloko.

Johani 3:5

Jesu i lo hlamula, aku: Kunenenene nziku ka wena: Loku munhu a nga belekiwi hi mati ni Moya, a nga na ku enghena mufunweni wa Nungungulu. Mar. 16:16; Miti. 2:38

Mitiro 22:16

Makunu wa ha hlwelela yini wena ke? Suka u bapatizwa, u hlaziwa a zionho za wena, na u kari u khongela vitweni gakwe. Xip. 2:38; Maheb. 10:22; Rom. 10:13

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

Va le Efesusi 5:26

lezaku a gi basisa, loku a gi hlazile hi ku bapatiza hi mati zinwe ni mhaka, Joh. 3:5; 15:3; Maheb. 10:22; 1 Joh. 5:6

Deuteronome 12:12

Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

Va le Kolosi 2:18

Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,

Va le Kolosi 2:23

Hakunene lezi zilo zi woneka ku khwatsi wutlhari, loku va khozela hi kuranza kabye, va ti koramisa ni ku xanisa mimiri yabye; kanilezi a zi vuni nchumu a ku tsimbetela a kunavela ka nyama.

Titusi 3:5

i lo hi hanyisa, na ku nga hi mitiro ya kululama, leyi hina wutsumbu hi yi mahileko, kanilezi hi wuxinji gakwe, ni kuhlaziwa ka kupswalwa luswa, ni ku mahiwa luswa hi Moya wa ku Basa, Joh. 3:3, 5; Rom. 3:20; Gal. 2:16; 1 Ped. 3:21

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9