Kanilezi Jehoxafate i te ngalo: Kasi seno a nga kona a muprofeti wa Jehova loyi hi faneleko ku wutisa Jehova ha yena ke? A munwe wa malanza ya hosi ya ka Israeli i lo hlamula, aku: I kona Elixa a nʼwana Xafate, loyi a nga wa chelile mati mandleni ya Elija.
Ma katekile a malanza lawo a hosi ya wona yi ta nga ta ma kuma na ma lavelele a kuwuyeni ka yona; hizinene nziku ka nwina, yi ta ti boha bhandi, yi ma tshamisa kugeni yita yi ta ma tirela. Mat. 24:46
Kanilezi hi wihi wa nwina, loyi a nga ni nanza gi rimako, kutani gi risako tiyivu, loyi a ta ngaku ka gona laha na gita hi le masinwini: Hatlisa, u ta tshama uga?
Kutani a nga ta wula ka gona, aku: Nzi longisele zakuga, u ti boha bhandi, u nzi khozela, nzi kala nziga ni kunwa; anzhako wenawu u taga ni kunwa. Xip. 12:37
Hakuva himani wahombe? Hi loyi a tshamako kugeni, kutani hi loyi a khozelako ke? A hi yena loyi a tshamako kugeni ke? Kasi mina nzi kona xikari ka nwina kota loyi a khozelako. Xip. 12:37; Joh. 13:13; Fil. 2:7
Hakuva ma ti tiva a tipswalo ta Hosi ya hina Jesu Kristu, lezaku hambu lezi a nga fumile, i lo maha xisiwana hi kota ya nwina, lezaku nwina mu fela ku fuma hi kota ya wusiwana gakwe. Mat. 8:20; Lu. 9:58; Fil. 2:6, 7
