Johani 13:10 - Tshwa Bible

¹⁰ Jesu aku kakwe: Loyi a hlambileko, a za ha laveki sine ku hlamba mikonzo yakwe, hakuva i hlazekile wontihe miri; na nwina mu hlazekile, kanilezi a hi nwina nwentlhe. Xip. 15:3

Johani 13:10 교차 참조

Mutshawuteli 7:20

Hakuva a nga kona munhu a lulamileko misaveni, loyi a mahako kusaseka, a nga onhi nchumu.

Xizimba xa ka Solomoni 4:7

Xiranzwa xanga, u sasekile nguvu, A ku na bawa ni gitsongwani.

Jeremia 50:20

A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.

Levi 16:26

Kasike inaloyi a nga heleketa a mhongo ya Azazeli, i ta hlaza a tinguwo takwe, a hlamba miri wakwe lomu matini, zonake a ta enghena lomu wugovelweni.

Levi 16:28

Loye a toya zi hisa i ta hlaza tinguwo takwe, a hlamba miri wakwe lomu matini, zonake a wuya a ta enghena lomu wugovelweni.

Mateu 6:12

Hi tsetselele milanzu ya hina, khwatsi hilezi hi va tsetselelako lava va nga ni milanzu ka hina. Xip. 18:21

Johani 13:18

A nzi wulawuli ha nwina nwentlhe; nza tiva lava nzi va hlawulileko; aku kasi wu fela ku tatiseka a mutsalo lowu wu nge ngalo: Loyi a gako zibaba za mina, i nzi tlakusele xirenze. Tis. 41:9; Mat. 26:23

Johani 13:9

Simoni Pedro aku ngalo kakwe: Hosi, yi ngavi mikonzo ya mina ntsena, kanilezi ni mandla ni hloko.

Johani 15:3

Nwina mu sina mu hlazekile hi kota ya mhaka leyi nzi nga kanela ka nwina. Xip. 13:10; Efe. 5:26; 1 Ped. 1:22

2 Va le Korinte 5:17

Hikwalaho loku munhu a hi ka Kristu, ximahwa xiswa; a za kale zi hunzile, zi mahile ziswa. Isa. 43:19; Kuv. 21:5

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

1 Va le Tesalonika 5:23

Nungungulu wa kurula wutsumbu gakwe a mu basise matlhelo wontihe, kasi a moya wa nwina ni muhefemulo ni miri za hlayiswa zontlhe, zi nga hi na kusoleka a kuwuyeni ka Hosi ya hina Jesu Kristu. 1 Kor. 1:8; Fil. 4:9

Maheberu 9:10

hakuva zileletelo za mahanyela ntsena hi tlhelo ga mikhuwo ya zakuga ni kunwa ni mahlazela ma tsalangeneko, zi vekilweko kala xikhatini xa kuhunzuluswa luswa. Levi 11:2; Mitse. 19:7

Jakobe 3:2

Hakuva hontlhe ha khubeka hi zilo zinyingi; loku munhu a nga khubeki hi kuwulawula, yaloye i munhu a mbheleleko, loyi a zi kotako ku khoma ni miri wakwe wontihe hi matomu. 1 Tih. 8:46; Mat. 12:37