Johani 10:6 - Tshwa Bible

⁶ Jesu i lo va byela mufananiso lowu, kanilezi a va pimangi lezi a va byelileko zona.

Johani 10:6 교차 참조

Tisimu 106:7

A vadadani va hina a va khatalelangi zihlamaliso za wena le Gipite, A va alakanyangi a wuxinji ginyingi ga wena, Kanilezi va lo ku hluwuka le bimbini, gi nga Bimbi go Pswhuka.

Tisimu 82:5

Kanilezi a va tivi nchumu, hambu ni ku pima, Va fambafamba munyameni; A ziseketelo zontlhe za misava za tsekatseka.

Mavingu 28:5

A vanhu va bihileko a va pimi lezi zi lulamileko; anilezi lava va hlotako Jehova va pima zilo zontlhe.

Isaya 56:11

Ina, timbyana ta makhobomu, ci ma a va eneliswi. A va kunghaho mbarisi, lava va nga pimiko nchumu; Vontlhe va famba hi tindlela tabye wutsumbu, Munwe ni munwani i ti lavela bhinzu gakwe.

Danieli 12:10

Vanyingi va ta hlaziwa, va basiswa, va ringiwa; kanilezi a vakubiha va ta maha kubiha, Ku hava a wakubiha a ta nga zi pima, kanilezi a votlhariha va ta zi pima.

Mateu 13:34

Tontlhe leti timhaka Jesu i lo ti kanela ka zidlemo hi mifananiso; a nga wulangi nchumu ka vona ahandle ka mufananiso;

Mateu 13:51

Mu ti pimile a timhaka tontlhe leti ke? Vaku ka yena: Ina!

Marku 4:34

Ahandle ka mufananiso a nga kanetangi nchumu ka vanhu; kanilezi na Va hi voce i lo tlhamusela timhaka tontlhe ka vapizani vakwe.

Johani 16:25

Nzi mu byelile lezi hi mifananiso; xa hata xikhati laha nzi ta nga kala nzi nga wulawuli ka nwina hi mifananiso, kanilezi nzi ta mu tivisa hi Dadani ziku dlunya.

Johani 16:29

A vapizani vakwe vaku ngalo: Wangabye, makunu wa wulawula ziku dlunya, a wa ha wulawuli hi mifananiso.

Johani 6:52

A vaJuda va lo kanetana vaku: A munhu loyi i ta hi nyikisa kuyini a nyama yakwe a kuva hi yiga ke?

Johani 6:60

A vanyingi va vapizani vakwe na va zi zwile, vaku: A mhaka leyi ya nonoha, himani a ta nga yi ingisa ke? Mat. 11:6

Johani 7:36

I mhaka muni leyi a yi wulako yaku: Mu ta nzi lava, kanilezi mu nga ta nzi kuma; ni laha nzi nga kona, nwina a mu zi koti kuta.

Johani 8:27

Va wa nga zi tivi lezaku i kanela kabye hi Dadani.

Johani 8:43

Hiyini mu nga pimiko a xuxela ga mina ke? I hakuva a mu na ku ingisa a mhaka ya mina.

1 Va le Korinte 2:14

Makunu a munhu wa mahanyela a nga amukeli a timhaka ta Moya wa Nungungulu, hakuva mbupumbu ka yena; a nga zi koti ku ti tiva, hakuva ti pimiwa hi ka moya. Mat. 16:23; Rom. 8:5; Juda 19

2 Pedro 2:22

Ku humelele ka vona kota lisine la vingu legi gi nge ngalo: A mbyana yi tlhelele mahlateni ya yona, ni khumba legi gi hlazilweko gi tlhela gi ya puluwunza nzhopeni. Mav. 26:11

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3