Johani 10:16 - Tshwa Bible

¹⁶ Nzi na ni tiyivu tinwani, leti ti nga hiko ta lowu ntlhambi; na tona kambe nzi fanele ku ti neha, ti ta ingisa a gezu ga mina. Zonake ku tava ni ntlhambi munwe ni murisi munwe. Isa. 56:8; Ezek. 37:22; Efe. 2:14

Johani 10:16 교차 참조

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Tisimu 86:9

A matiko wontihe lawa u ma mahileko ma tata, ma ku khizamela, Hosi, Ma kulisa vito ga wena. Zef. 2:11; Zak. 14:9

Mutshawuteli 12:11

A timhaka ta titlhari ti khwatsi tipopo, a mavingu ya tona ti khwatsi tikhokho leti ti gongonzelweko; wontihe ma nyikilwe hi Murisi munwe. Isa. 49:2; Jer. 23:29; Maheb. 4:12

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 43:6

Nzi taku ka Nwalungu: Humesa! Ni ka Dzonga: U nga alisi! Wuyisa a varisanyana va mina hi le kule, Ni vanhwana va mina hi le magemeta-musi ya misava;

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 52:10

Jehova i funungule a woko gakwe ga kubasa mahlweni ka matiko wontihe, A magemeta-musi ya misava ma ta wona a kuhanyisa ka Nungungulu wa hina.

Isaya 56:8

Hosi Jehova loyi a tsombanyisako a vaIsraeli Lava va nga hi wukhumbini, i ngalo: Nzi ta tsombanyisa vanwani, Nzi va tlhanganyisa ni lava va sinako va tsombanyisilwe.

Ezekieli 34:12

Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama, Jer. 31:10; Joeli 2:2; Lu. 15:4

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Ezekieli 34:6

A tiyivu ta mina ti pepetseka lomu zitsungeni zontlhe ni lomu migangeni yontlhe. Ina, a tiyivu ta mina ti lo hangalaka misaveni yontlhe; a ku na munhu a ti lavako.

Ezekieli 37:22

Nzi ta va maha mufumo munwe laha tikweni, hehla ka zitsunga za ka Israeli, vontlhe va ta fumelwa hi hosi yinwe; va nga ha ta kuva matiko mambiri kambe, va nga ha ta avanyiswa hi mifumo mimbiri. Hos. 1:11; Joh. 10:16

Ezekieli 37:24

A nanza ga mina Davida i tava hosi yabye; vontlhe va tava ni murisi munwe. Va ta lanzela zileletelo za mina, va hlayisa milayo ya mina, va yi maha. Isa. 40:11; Jer. 23:5; Joh. 10:11

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Luka 15:8

Kutani a wasati loyi a na nga ni khume ga macheleni, loku a lahlekelwa hi cheleni ginwe, xana a nga lumeki kandiya, a swiyela yindlu, a lavisisa a kala a gi kuma ke?

Johani 10:11

Mina nzi murisi nene. A murisi loyi nene i nyikela kuhanya kakwe hi kota ya tiyivu. Isa. 40:11; Ezek. 34:12, 23

Johani 10:2

Kanilezi loyi a enghenako hi laha nyangweni hi murisi wa tiyivu.

Johani 10:27

A tiyivu ta mina ta ingisa a gezu ga mina; mina nza ti tiva, ta nzi lanzela.

Johani 10:3

A murinzeli wa nyangwa wa mu vululela; a tiyivu ti ingisa a gezu gakwe; a vitana a tiyivu takwe hi mavito ya tona, a ti humesa lahandle.

Johani 10:4

Loku a humesile tiyivu takwe tontlhe, i ranga mahlweni ka tona, ni tiyivu ti mu lanzela, hakuva ta gi tiva a gezu gakwe.

Johani 10:5

A munwani a ti na ku mu lanzela, kanilezi ti ta mu chava; hakuva a ti gi tivi a gezu ga vanwani.

Johani 11:52

Na ku nga hi tiko goce, kanilezi hi lezaku a fela ku wungeletela a vana va Nungungulu lava va hangalakileko. Isa. 49:6; Efe. 2:14; 1 Joh. 2:2

Johani 17:20

A nzi khongeleli lava voce, kanilezi nza khongelela ni lava va ta nga kholwa ka mina hi kota ya kukanela kabye;

Johani 6:37

Zontlhe lezi a nzi nyikako Dadani, zi tata ka mina; ni loyi a tako ka mina, cima nzi nga ta mu hlongola. Vesi 45; Xip. 10:28; 2 Tim. 2:19

Mitiro 15:14

Simoni i hlawutele lezi Nungungulu a nga ranga a enzela a vamatiko, a ku ti tekela xikari ka vona a vanhu va ta nga vitanwa hi vito gakwe.

Mitiro 18:10

Hakuva mina nzi ha wena, a ku na munhu a ta nga ku vukela a ku ku lamata; hakuva nzi na ni vanhu vanyingi mutini lowu. Isa. 41:10; Jer. 1:18; Mat. 28:20

Mitiro 22:14

Yena aku: Nungungulu wa vakoko va hina i ku hlawule a kuva u tiva a kuranza kakwe, u wona loyi wa Kululama, ni kuzwa a gezu ga nomu wakwe. Xip. 3:13, 14; 5:30; 1 Kor. 9:1; 11:23

Va le Roma 11:25

Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9

2 Va le Tesalonika 2:13

Kanilezi hina hi yimelwe hi ku mu bonga Nungungulu xontlhe xikhati ha nwina, vamakabye va ranzekako va Hosi; hakuva Nungungulu i lo mu hlawula hi le kusanguleni a kuva mu hanyiswa hi kubasiswa hi Moya ni kukholwa ka zinene.

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

1 Pedro 2:10

nwina lava a kale mu nga kala mu nga hi tiko, kanilezi makunu mu tiko ga Nungungulu; nwina lava mu nga kala mu nga mahelwangi wuxinji, kanilezi makunu mu mahelwe wuxinji. Hos. 2:23; Rom. 9:25

1 Pedro 2:25

Hakuva mu wa pengile khwatsi hi tiyivu ti lahlekileko; kanilezi makunu mu tlhelele ka Murisi ni Muhlayisi wa mihefemulo ya nwina. Ezek. 34:6; Joh. 10:11, 14, 16

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12

Kuvululelwa 3:20

Languta, nzi yimile nyangweni nzi gongonza; loku a munhu azwa a gezu ga mina a vulula livati, nzi ta enghena ka yena, nziga naye, na yena aga na mina: Lu. 12:27; Joh. 14:23