Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27
Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17
Kanilezi Jesu i lo miyela. Ni mupristi wa hombe i te ngalo kakwe: Nza ku hlambanyisa hi Nungungulu, lezaku u hi byela loku u hi Kristu, a Nʼwana wa Nungungulu. Levi 5:1; Isa. 53:7
vaku: Wena loyi u khungumuleko tempeli, u yi aketa hi masiku manharu, hi nga ti hanyisa ka! Loku u hi Nʼwana wa Nungungulu, chika xihambanweni. Xip. 26:63
Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47
Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6
aku ka yena: Loku wena u hi Nʼwana wa Nungungulu, ti tsikelete laha, hakuva ku tsalilwe ku ngalo: I ta ruma tingelosi takwe Lezaku ti ku tlakula hi mandla ya tona, Kasi u nga gumuli a konzo wa wena ribyeni. Tis. 91:11, 12
A ngelosi yi lo hlamula yiku ka yena: A Moya wa ku Basa wu tata hehla ka wena, ni ntamu wa loyi a nga Hehla-Hehla wu ta ku fenengeta; hikwalaho a nʼwana wo basa loyi a ta nga belekiwa i ta vitanwa a Nʼwana wa Nungungulu. Mat. 1:20; Joh. 1:34; Rom. 1:4
ni Moya wa ku Basa wu lo relela hehla kakwe hi dzumba ga tuva, ni gezu gi lo huma hi le tilweni, giku: Wena u Nʼwana wa mina a ranzekako, nzi xalele ha wena.
Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9
xana mu nzi byela, mina loyi Dadani a nzi basisileko ni ku nzi rumela tikweni, muku: Wa rukatela; hi lezi nzi nge ngalo: Nzi Nʼwana wa Nungungulu ke? Xip. 3:17; 5:17, 18; 6:27; Lu. 1:35
A vaJuda va lo hlamula, vaku; Hina hi na ni nayo, hi nayo lowu i yimelwe hi kufa, hakuva i ti mahile a Nʼwana wa Nungungulu. Levi 24:16; Mat. 26:65; Xip. 5:18
Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9
A kombisiwa hi ntamu lezaku i Nʼwana wa Nungungulu hi Moya wa wubaswa, hi kuvuka kakwe hi ka vafileko. Hi yena Jesu Kristu a Hosi ya hina, Miti. 13:33; Maheb. 9:14
Hakuva a Nʼwana wa Nungungulu, yena Jesu Kristu, loyi a nga xumayelwa xikari ka nwina hi mina na Silvanusi na Timote, a nga mahangi wa Ina ni Ahihi, kanilezi a kakwe ku na ni Ina xontlhe xikhati. Ekso. 3:14; Mar. 1:1; Lu. 1:35; Miti. 9:20; Maheb. 13:8
A nga hi na dadani, a nga hi na mamani, a nga hi na lixaka, a nga hi na kusangula ka masiku, hambu ni kugumelwa ka kuhanya kakwe, kanilezi i fanana ni Nʼwana wa Nungungulu, a simamisa a hi mupristi kala kupinzuka.
Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14
A ku hi ranza ka Nungungulu ku wonekelisilwe hi lezi, Nungungulu i rumele a Nʼwana wakwe a belekilweko yece ata laha misaveni, kasi hina hi fela ku hanya ha yena. Joh. 3:16; Rom. 5:8
Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3
Kani hi wihi loyi a hambukako, a nga namareli gonzweni ya Kristu, a nga na Nungungulu; kani loyi a namarelako gonzweni i na ni Dadani ni Nʼwana kambe. 1 Joh. 2:23
Tsalela a ngelosi ya bandla ga le Tiatira, uku: A Nʼwana wa Nungungulu loyi a nga ni mahlo yo khwatsi malangavi ya nzilo, ni mikonzo yo khwatsi i suku wu ngangamelako, i ngalo:
