Johani 1:17 - Tshwa Bible

¹⁷ Hakuva a nayo wu lo nyikiwa hi Mosi; kanilezi a wuxinji ni zinene zi humele hi Jesu Kristu. Ekso. 20:1; Xip. 14:6; Rom. 5:21

Johani 1:17 교차 참조

Genesisi 22:18

Ni lezaku hi pswalo wa wena a matiko wontihe ya misava ma ta katekiswa, hakuva wena u lo ingisa a gezu ga mina. Miti. 3:25; Gal. 3:8

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Tisimu 85:10

A wuxinji ni kutsumbeka zi tlhangene kona, A kululama ni kurula zi pswopswene.

Tisimu 98:3

I alakanyile a wuxinji gakwe ni kutsumbeka kakwe ka yindlu ya Israeli, A magemetamusi ya misava ma wonile a kuhanyisa ka Nungungulu wa hina. Lu. 1:54

Mika 7:20

U ta tsumbeka ka Jakobe, Abrahama u mu mahela Wuxinji legi u nga gi hlambanyela a vadadani va hina kaleloko.

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 5:45

Mu nga alakanyi muku nzi ta mu kecara ka Dadani; i kona loyi a mu kecarako, hi yena Mosi, loyi mu tsumbako kakwe. Rom. 2:12

Johani 7:19

Xana Mosi a nga mu nyikangi a nayo ke? Hambu zi hi tano, a nga kona munwe wa nwina a gongako nayo. Hikuyini mu lava ku nzi daya? Ekso. 24:3; Deut. 33:4; Miti. 7:38; Mat. 12:14

Johani 8:32

zonake mu ta tiva zinene, ni zinene zi ta mu tlhatlhisa. Rom. 6:14, 18, 22; 8:2; Jak. 1:25

Johani 9:29

Ha zi tiva lezaku Nungungulu i wulawulile ka Mosi; kanilezi loyi munhu a hi ku tivi laha a humako ha kona. Xip. 8:14

Mitiro 28:23

Laha vona va nga mu yimisele a siku, va lota ndlwini yakwe na va hi Vanyingi; yena i lo tlhamusela hi mufumo wa Nungungulu, a kustumunya ha wona, na a va pimisa hi Jesu hi le nayweni wa Mosi ni vaprofeti, a sangula ni mixo ku kala laha gambyeni. Lu. 24:27; Xip. 17:3; 19:8

Mitiro 7:38

Hi yena a nga hi kona hlengeletanweni le xiwuleni, a yima zinwe ni ngelosi leyi yi nga wulawula naye le xitsungeni xa Sinai, zinwe ni vakoko va hina; hi yena a nga amukela a timhaka ta kuhanya, a hi nyika tona. Ekso. 19:3; Isa. 63:9

Va le Roma 6:14

Hakuva a kuonha ku nga ta kuva ni ntamu hehla ka nwina; hakuva nwina a mu lahasi ka nayo, kanilezi mu lahasi ka tipswalo. Mika 7:19; Gal. 5:18

2 Va le Korinte 1:20

Hakuva hambu loku a zitsumhiso za Nungungulu zi ngava zingani, a Ina wa zona ku kona ka yena; hi kota ya lezo hi wula Amen ha yena, lezaku Nungungulu a dumiswa ha hina. Rom. 15:8, 9

Va le Galatia 3:17

Makunu lezi nzi wulako hi lezi. A xivumelwano lexi xi tiyisilweko kale hi Nungungulu a xi na ku vinyiwa hi nayo, lowu wu tileko na ku hunzile 430 wa malembe, a wu na ku maha xitsumbiso xi nga hi na ntamu. Ekso. 12:40; Rom. 4:13, 14

Deuteronome 33:4

Mosi i hi leletele a nayo, Yi nga yona a tshomba ya hlengeletano wa Jakobe.

Deuteronome 4:44

Lowu hi nayo lowu Mosi a nga wu yimisa ka vanana va ka Israeli:

Deuteronome 5:1

Na Mosi i lo vitana vontlhe a vanana va ka Israeli, aku kabye: Ingisani, va ka Israeli, a milayo ni zileletelo lezi nzi wulako nyamutlha lomu tindleveni ta nwina; mu zi gonza ni ku chela kota hi ku zi hlayisa.

Maheberu 9:22

Ko khwatsi hi nayo a zilo zontlhe zi basiswa hi nkhata; a handle ka kuhalatwa ka nkhata a ku kona kutsetselelwa ka zionho. Levi 17:11