Johani 1:14 - Tshwa Bible

¹⁴ Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 1:14 교차 참조

Tisimu 2:7

Nzi taba nyiwo ya Jehova, Jehova i te ngalo ka mina: Wena u nʼwana wa mina, Nzi ku psweleko nyamutlha.

Tisimu 45:2

Wena u lipswitla ku hunza a vanana va vanhu; A malongo ma chululwe milonwini ya wena, Hikwalaho Nungungulu i ku katekisile kala kupinzuka. Xiz. 5:10; Lu. 4:22

Tisimu 85:9

Hizinene, a kuhanyisa kakwe ku tshinele ka lava va mu chavako, Kasi kungangamela ka tshama tikweni ga hina. Joh. 1:14

Isaya 40:5

Ni kungangamela ka Jehova ku ta wonekeliswa, Yontlhe nyama yi ta ku wona khatiginwe. Hakuva a nomu wa Jehova wu wulile lezo.

Isaya 53:2

Hakuva i lo kula mahlweni kakwe ku fanana ni hluke, Aku khwatsi i mutsu lowu wu kulako misaveni yi womileko. I wa nga hi ha dzumba, ge hambu kusaseka ku kokako mahlo; Ni, laha hi nga mu wona i wa nga hi na wumbhuri go hi tsakisa.

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Ezekieli 37:27

Ni wuakelo ga mina gi tava xikari kabye; nzi tava Nungungulu wabye, na vona va tava vanhu va mina. Levi 26:11; 2 Kor. 6:16; Kuv. 21:3

Mateu 1:16

Jakobe a beleka Josefa a nuna wa Maria, loyi a nga beleka Jesu loyi va nge hi Kristu.

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

Luka 2:7

I lo beleka a nisanyana wakwe wa matewula; i lo mu petsela dzobyeni, a mu lata xigowolweni xa tihomu, hakuva a va nga hi na wutshamu lomo ndlwini ya vapfhumba.

Luka 9:32

Kanilezi Pedro ni lava a nga hi navo va wa binzilwe hi wurongo; laha va nga vukile va lo wona a kungangamela kakwe, ni madota mambiri ma nga yimile naye. Dan. 8:18; 10:9

Johani 1:1

A kusanguleni gi wa hi kona Gezu, Gezu gi wa hi na Nungungulu, Gezu gi wa hi Nungungulu. Mat. 8:22; Kol. 1:17; 1 Joh. 1:2; 3:7

Johani 11:40

Jesu aku kakwe: Xana a nzi ku byelangi nziku, loku u kholwa u ta wona a wukulu ga Nungungulu ke?

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 14:9

Jesu aku kakwe: Kale na nzi tshamile na nwina, kasi a ku nzi tivi ke, Filipu? Loyi a wonileko mina, i wonile ni Dadani: u wulawula hikuyini uku, hi wonise Dadani? Xip. 12:45; Kol. 1:15; Maheb. 1:3

Johani 17:22

A kungangamela loku u nzi nyikileko kona, nzi va nyikile, kasi va fela kuva munwe, kota hina hi nga munwe; Xip. 14:20; 1 Joh. 1:3; 3:24

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 2:11

Lexi hi kusangula ka ziwoniso zakwe, Jesu i lo xi maha le Kana wa le Galilea, a wonekelisa a wukulu gakwe; ni vapizani vakwe va lo kholwa ka yena. Xip. 1:14

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Johani 3:18

Loyi a kholwako kakwe a nga lamulwi; kanilezi loyi a nga kholwiko i lamulwe ni zalezi, hakuva a nga kholwangi vitweni ga Nʼwana a belekilweko yece wa Nungungulu. Xip. 5:24; 6:40, 47; 20:31

Johani 6:51

Mina nzi xibaba lexi xi hanyako, lexi xi nga relela hi le tilweni; loku munhu aga xibaba lexi, i ta hanya kala kupinzuka. Ni xibaba lexi nzi ta nga nyika xona, hi nyama ya mina, yi nyikilweko kasi tiko ga hanya. Xip. 3:13; Maheb. 10:5, 10

Johani 8:32

zonake mu ta tiva zinene, ni zinene zi ta mu tlhatlhisa. Rom. 6:14, 18, 22; 8:2; Jak. 1:25

Mitiro 13:33

lezaku Nungungulu i xi tatisile ka hina, vana vabye, hilezi a nga vuxa Jesu; kota lezi ku tsalilweko lomu ka Lisimu la wumbiri, ku ngalo: Wena u Nʼwana wa mina, nzi ku psweleko nyamutlha. Tis. 2:7; Maheb. 5:5

Va le Roma 8:3

Hakuva lezi a nayo wu nga tsanzeka ha zona, hilezi wu nga hi ni gome hi kota ya nyama, Nungungulu i zi tirile hi ku rumela a Nʼwana wakwe hi xiyimo xa nyama ya kuonha, lezaku a kona a kuonha le nyameni. Maheb. 7:18

Va le Roma 9:5

A vakokwani vabye; Kristu i lo huma kabye hi ka nyama, loyi a nga hehla ka zontlhe, Nungungulu loyi a bongiwako kala kupinzuka. Amen. Deut. 10:15; Joh. 1:1; Miti. 20:28

1 Va le Korinte 15:47

A munhu wo ranga i lo mahiwa hi misava, ngwa misava; a munhu wa wumbiri ngwa le tilweni. Gen. 3:19; Joh. 3:13, 31

2 Va le Korinte 12:9

Kanilezi Hosi yi te ngalo ka mina; A tipswalo ta mina ti ku enele, hakuva a ntamu wa mina wu mbheleliswa gomeni. Hikwalaho nzi ranza a ku ti dzunza gomeni ga mina, lezaku a ntamu wa Kristu wu fela ku tshama ka mina. Mutsa. 7:18; Isa. 40:29; 41:10; 1 Kor. 10:13; 1 Ped. 4:14

Va le Galatia 4:4

Kanilezi loku a xikhati xi tatisekile, Nungungulu i lo rumela a Nʼwana wakwe a belekilweko hi wasati na a pswalelwe lahasi ka nayo; Gen. 49:10; Isa. 7:14; Dan. 9:24; Mat. 5:17; Mar. 1:15; Joh. 1:14

Va le Efesusi 3:8

Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27

Va le Kolosi 1:19

Hakuva zi lo mu xalalisa Nungungulu lezaku a kumbhelela kontlhe ku tshama ka yena; Mat. 28:18; Joh. 1:16; 3:34; Efe. 1:23

Va le Kolosi 2:3

loyi ku fihlilweko ka yena a titshomba tontlhe ta wutlhari ni kutiva.

Va le Kolosi 2:9

Hakuva a kutala kontlhe ka wuNungungulu ku tshamile ka yena hi miri. Isa. 9:6; Joh. 1:14; Rom. 9:5; Tit. 2:13

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 1:5

Hakuva ka yihi xikari ka tingelosi a ngaku ka yona: Wena u Nʼwana wa mina, Nyamutlha nzi ku belekile? Niku ngalo: Nzi tava Dadani wakwe, Yena i tava Nʼwananga. Tis. 2:7; Miti. 13:33; Xip. 5:5

Maheberu 10:5

Hikwalaho laha Kristu a ngata laha misaveni, i te ngalo: A miphahlelo ni minyikelo a ku tsaki ha zona, Kanilezi u nzi longiselele a miri; Tis. 40:6; Isa. 1:11

Maheberu 2:11

Hakuva yena loyi a basisako, ni lava va basiswako, vontlhe va na ni Dadani munwe; hi kota ya lezo a nga na tingana a ku va vitana aku vamakabye, Mat. 28:10; Joh. 20:17; Rom. 8:9

Maheberu 5:5

Hizalezo Kristu a nga ti tlakusangi ha yece a kuva mupristi wa hombe, kanilezi i lo yimiswa hi yena loyi a nga ku ngalo kakwe: Wena u Nʼwana wa mina, Nyamutlha nzi ku belekile. Tis. 2:7; Joh. 8:54

1 Johani 4:14

Hina hi zi wonile, hi maha wukustumunyu lezaku Dadani i rumile a Nʼwana a ku ta maha Muhanyisi wa tiko. Joh. 3:17; Xip. 1:1, 2

1 Johani 4:9

A ku hi ranza ka Nungungulu ku wonekelisilwe hi lezi, Nungungulu i rumele a Nʼwana wakwe a belekilweko yece ata laha misaveni, kasi hina hi fela ku hanya ha yena. Joh. 3:16; Rom. 5:8

2 Johani 1:7

Hakuva vakhohlisi vanyingi va humele vaya tikweni, lava va nga vumeliko lezaku Jesu Kristu i tile nyameni. Hi yena mukanganyisi tlhelo Mukaneti wa Kristu; 1 Joh. 4:1-3

Kuvululelwa 19:13

I wa ambele a nguwo yi petilweko lomu nkhateni; a vito gakwe i wa hi Gezu ga Nungungulu. Isa. 63:2, 3; Joh. 1:1

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16