Johani 1:12 - Tshwa Bible

¹² Kanilezi vontlhe lava va nga mu amukela, i va nyikile ntamu wa ku maha vana va Nungungulu, vona lava va kholwako hi vito gakwe;

Johani 1:12 교차 참조

2 Samueli 7:24

Wena u ti yimisele a vanhu va wena va ka Israeli a kuva va wena kala kupinzuka; hikwalaho wena Jehova u mahile Nungungulu wabye.

Isaya 56:5

Nzi ta va nyika wutshamu ni vito lomu ndlwini ya mina ni mutini wa mina, Legi gi hunzako akuva ni vana va xinuna ni va xisati; Nzi ta va nyika a vito ga pinzukelwa Legi gi to kala gi nga fuviswi. 2 Sam. 18:18; Kuv. 2:17

Jeremia 3:19

Nzi waku: Nzi ta ku veka xikari ka vanana va mina, Nzi ta ku nyika a tiko gi xuvekako, A tshomba yo saseka nguvu xikari ka matiko. Nziku: Mu ta nzi vitana, muku: Dadani; Mu nga ta ha hambuka mu nzi siya.

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Mateu 10:40

Loyi a mu amukelako, wa nzi amukela mina, ni loyi a nzi amukelako wa amukela loyi a nzi rumileko. Lu. 9:48; Joh. 12:44; Gal. 4:14

Mateu 12:21

A vamatiko va ta tsumba vito gakwe.

Mateu 18:5

Ni loyi a amukelako a nwanana munwe wa kunghahi wa tsongwani hi vito ga mina i amukela mina. Xip. 10:42; Lu. 9:48

Johani 1:11

I lota kaya kakwe, kanilezi lava va nga hi vakwe a va mu amukelangi.

Johani 1:7

Yena i lo tela ku ta maha wukustumunyu, kasi a fela ku kustumunya hi kuwonekela, lezaku vontlhe va fela ku kholwa hi kota ya yena. Miti. 19:4

Johani 11:52

Na ku nga hi tiko goce, kanilezi hi lezaku a fela ku wungeletela a vana va Nungungulu lava va hangalakileko. Isa. 49:6; Efe. 2:14; 1 Joh. 2:2

Johani 2:23

Na a ha hi Jerusalema laha mubuzweni wa Pasika, a vanhu vanyingi va lo kholwa vitweni gakwe, loku va wona a ziwoniso lezi a nga zi maha.

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Johani 3:18

Loyi a kholwako kakwe a nga lamulwi; kanilezi loyi a nga kholwiko i lamulwe ni zalezi, hakuva a nga kholwangi vitweni ga Nʼwana a belekilweko yece wa Nungungulu. Xip. 5:24; 6:40, 47; 20:31

Mitiro 3:16

Hi kukholwa vitweni gakwe, gona vito gakwe gi mu nyikile ntamu loyi munhu, loyi mu mu wonako, mu mu tiva; ina, a kukholwa ka Jesu ku mu hanyisile mahlweni ka nwina nwentlhe. Mat. 9:22; 1 Ped. 1:21

Va le Roma 8:14

Hakuva vontlhe lava va rangelwako hi Moya wa Nungungulu, lava hi vana va Nungungulu.

Va le Roma 8:16

Ni wona Moya wutsumbu wu kustumunya zinwe ni moya wa hina lezaku hi vana va Nungungulu. 2 Kor. 1:22; Efe. 1:13

Va le Roma 8:19

Hakuva zontlhe zivangwa zi cuwukela hi kunavelisisa ka hombe a kuvululelwa ka vana va Nungungulu. 2 Ped. 3:13; 1 Joh. 3:2

Va le Galatia 3:26

Hakuva nwina nwentlhe mu varisanyana va Nungungulu hi kukholwa ka Kristu Jesu. Joh. 1:12

Va le Galatia 4:6

Kota lezi mu nga vana, Nungungulu i rumela a Moya wa Nʼwana wakwe timbilwini ta hina, lowu wu vitanako, wuku: Abba, Dadani!

Va le Kolosi 2:6

Hikwalaho khwatsi hilezi mu nga amukela Kristu Jesu a Hosi, fambisani zalezo ka yena,

2 Pedro 1:4

Yena i lo hi nyika a zitsumbiso zakwe za malongo lezi zi nga za hombe nguvu, lezaku ha zona mu fela kuva zihlengeli za xiyimo xa wuNungungulu, na mu ponile kuboleni loku ku nga kona laha misaveni hi kota ya kumbilukela. 2 Kor. 3:18; 7:1; 1 Joh. 3:2

1 Johani 3:1

Langutani lezaku liranzo la kuyini leli Dadani a hi ranzileko ha lona, lezaku hi vitanwa aku hi vana va Nungungulu; hakuva hi hina vona. A tiko a gi hi tivi, hakuva yenawu a gi mu tivangi. Joh. 1:12; 16:3

1 Johani 3:10

Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe.

1 Johani 3:2

Varanzekako, makunu hina hi vana va Nungungulu; kanilezi a zi se ku wonekeliswa lezi hi ta ngava zona. Ha zi tiva lezaku loku yena a wonekeliswa, hi ta fanana naye; hakuva hi ta mu wona kota lezi a nga zona. Isa. 56:5; Rom. 8:18; Fil. 3:21

1 Johani 3:23

A kuleletela kakwe hi loku, lezaku hi kholwa vitweni ga Nʼwana wakwe Jesu Kristu, hi ranzana kota lezi yena a nga hi leletela. Joh. 6:29; 15:12; 17:3; 1 Ped. 4:8