Joba 8:8 - Tshwa Bible

⁸ Wutisa zizukulwana za kale, U alakanya lezi a vadadani va zi kumileko;

Joba 8:8 교차 참조

2 Kronekele 10:6

Hosi Rehoboamu i lo wutisa a madota ya kale lawa ma nga tira ni raru wakwe Solomoni, xikhatini lexo a nga ha hanya, aku kabye: Nzi ta ta va hlamulisa kuyini a vanhu lava ke?

Joba 12:12

A vakale va na ni wutlhari ni ntamu, Ni va malembe ya kuhlaya va na ni kupimisisa.

Joba 13:1

A mahlo ya mina ma zi wonile zontlhe lezo, A tindleve ta mina ti zi zwile, nzi pimisisa.

Joba 15:10

Xikari ka hina ku na ni lava va wuvu, ni zikhosana; Ni munwe a nga wa kale ku hunza dadani wa wena.

Joba 15:18

Lezi a titlhari ti zi wulileko, Lezi va zi kumileko hi ka vadadani vabye, cima a va zi fihlangi;

Joba 20:4

A ku zi tivi wena lezaku a kusukela ka xikhatini xa kaleloko, Loku a munhu a vekilwe hehla ka misava,

Tisimu 44:1

Nungungulu, hi zi zwile hi tindleve ta hina, A vadadani va hina va hi byelile Hi mitiro leyi u yi tirileko masikwini yabye, A masikwini ya kale ka matiko. Deut. 6:20

Isaya 38:19

A vahanyako, ina, a vahanyako va ta ku dumisa, Khwatsi hi lezi nzi mahako nyamutlha; A vadadani va ta kanela ka vanana vabye a kutsumbeka ka wena.

Joeli 1:2

Zwanani lezi nwina zikhosana! Kangatelani ndleve nwina nwentlhe vaaki va tiko! Ku na nga dzuka ku humelela a zilo za lixaka lolu masikwini ya nwina, hambu kutani masikwini ya vadadani va nwina ke?

Va le Roma 15:4

Hakuva timhaka tontlhe ti nga tsaliwa kale ti tsalelwe a ku gonzisa hina, lezaku kasi hi fela kuva ni kutsumba hi kota ya kutiya ni kuchavelelwa loku ku nyikwako hi Mitsalo. 2 Tim. 3:16

1 Va le Korinte 10:11

Zontlhe lezi zi lo humelela ka vona kasi ku maha xikombiso, zi lo tsaliwa kasi ku hi luleka, hina lava hi chikelelweko hi zikhati zo gumesa. Rom. 15:4; Maheb. 10:25

Deuteronome 32:7

Alakanya masiku ya kaleloko; U khumbula malembe ya zizukulwana zi hunzileko, Wutisa a raru wa wena, i ta ku byela, Ni masingalakati ya wena ma ta ku hlawutela.

Deuteronome 4:32

Wutisa ta masiku ya kale lawa ma ku rangeleko, kusukela a siku lego Nungungulu a nga vanga munhu laha misaveni, kusukela kusanguleni ka tilo kala magumeso ya gona, xana ku na nga humelela a zilo za hombe zo kota lezi ke? kutani va na ngazwa zo kota lezo ke?