11 Xini a ntamu wa mina, lezaku nziva ni kutsumba? Hi wahi magumo ya mina, lezaku nziva ni lihlazambilu?
A masiku ya mina a hi ma tsongwani ke? a a nzi tsike, Kasi nza fela ku tangala kutsongwani,
U ta dzukisa a tluka legi gi hahiswako hi mheho ke? U ta hlongolisa a mungu wu womileko ke?
Kasi nza mbheteka ku fanana ni xilo xi bolileko; Ku fanana ni nguwo leyi yi gilweko hi sumba.
A muhefemulo wa mina wu gohekile, A masiku ya mina ma mbhelile, A nkele wu nzi rinzele.
Loku nzi rinzela, a Xeole xiva yindlu ya mina; Nzi ta andlala a sango ga mina tlhelweni ga munyama.
Kasi mina nzi tsanwiswa hi vanhu ke? Loku zi hi lezo, a moya wa mina wu nga kala wu nga karateki ke?
U mu vunisile kuyini loyi a nga hiko na ntamu! U gi tiyisisile kuyini a woko ga loyi a nga ni gome!
A ntamu wa mina wu fanana ni wa ribye ke? Ni nyama ya mina yi fanana ni suku ke?
I rerile a ntamu wa mina laha ndleleni, I komisile masiku ya mina.
Jehova, nzi tivise a kugumelwa ka mina, Kasi nza tiva a tsengo wa masiku ya mina; Nzi tivise lezaku nzi muhunzi.
U mahile a masiku ya mina a ku khwatsi hi kuanama ka canja; A xikhati xa kuhanya ka mina a hi nchumu mahlweni ka wena; Kunene, ni wihi munhu, hambu loku a tiyile, kuhefemula ntsena. (Sela.)
