Joba 6:10 - Tshwa Bible

¹⁰ Zonake nzi wa ta tangala, Ina, nzi wa ta tsaka zikaratweni za mina, Hakuva a nzi kanetangi a timhaka ta a Basileko.

Joba 6:10 교차 참조

Joba 11:4

Hakuva wena u te ngalo: A gonzo ya mina yi basile, Nzi basile mahlweni ka wena.

Joba 15:11

Kasi wa nyenya chavelelo wa Nungungulu, Ni magezu yo olova lawa u khongotelwako ha wona ke?

Joba 21:33

A magadi ya nkova ma ta hehuka hehla ka yena, A vanhu vontlhe va ta lanzela hi nzhako kakwe, Khwatsi hi vanhu va tsanza-vahlayi lava va mu rangeleko.

Joba 22:22

Amukela nayo wu humako nonwini wakwe; U hlayisa a timhaka takwe mbilwini ya wena.

Joba 23:11

A nkonzo wa mina wu lanzela zikanzihelo zakwe; Nzi hlayisile a ndlela yakwe, cima a nzi hambukangi ka yona.

Joba 23:12

Ge hambu ku tsika zileletelo za milomu yakwe; Nzi hlayisile a timhaka ta nomu wakwe ku hunza a mixuvo ya mina.

Joba 3:22

Lava va wa nga ta tsaka nguvu, Loku va wa ta kuma nkele ke?

Joba 9:4

Loyi a nga ni wutlhari ga mbilu, i nhenha; Himani loyi a ti nonohisileko, a mu vukela, a simamisa ku vuvuma ke?

Tisimu 119:13

Hi milomu ya mina nzi tlhatlhambutele Zilayelo zontlhe za nomu wa wena.

Tisimu 119:50

Loku hi kuchavelelwa ka mina hlomulweni, Lezaku a mhaka ya wena yi nzi hanyisile.

Tisimu 37:30

A nomu wa loyi a lulamileko wu humesa wutlhari, Ni lirimi lakwe li wulawula a nongameto.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Hosea 11:9

Nzi nga ta humesa a kutshisa ka zanga ya mina, nzi nga ta tlhela nzi lovisa Efraime. Hakuva nzi Nungungulu, a nzi munhu; nzi Loyi wo Basa a nga xikari ka nwina, nzi nga ta enghena mutini hi zanga. Mitse. 23:19; 1 Sam. 15:29

Levi 19:2

Byela a hlengeletano wontihe wa vanana va ka Israeli, uku ka vona; Basani, hakuva mina rizi basile, mina Jehova, Nungungulu wa nwina.

Habakuka 1:12

Kasi a ku sukeli kupinzukeni, wena Jehova Nungungulu wa mina, Loyi a Basileko wa mina ke? Hi nga tafa! Jehova, wena u va vekele kulamulwa; wena u nga Ribye ga hina, u va yimisele a kutsayiswa.

Habakuka 3:3

Nungungulu wata hi le Temani, Loyi wa ku Basa wata hi le xitsungeni xa Parani. (Sela.) A kungangamela kakwe ku fenengeta a matilo, A misava yi tele hi kudumiswa kakwe. Ekso. 19:16; Deut. 33:2

Mitiro 20:20

lezaku a nzi mu lovelangi a timhaka ti vunako, kanilezi nzi lo mu kanelela, nzi mu gonzisa kubaseni ni lomu tindlwini,

Mitiro 20:27

Hakuva a nzi lovangi a kuba hungu ka nwina hi khungo gontlhe ga Nungungulu. Lu. 7:30; Joba 15:15; Efe. 1:11

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

Deuteronome 29:20

Jehova a nga ta mu tsetselela, hakuva a zanga ya Jehova ni khulo gakwe zi ta vura hehla ka munhu loye; zonake wontihe makhombo lawa ma tsalilweko lomu bhukwini legi ma tava hehla kakwe, na Jehova i ta hlanguta a vito gakwe lahasi ka tilo.

Kuvululelwa 3:7

Tsalela a ngelosi ya bandla ga le Filadelfia, uku: Loyi a basileko, A wa zinene, Loyi a nga ni pfhungulo ya Davida, Loyi a vululako, ku nga vali munhu, Loyi a valako, ku nga vululi munhu, i ngalo: Joba 12:14; Isa. 22:22; Miti. 3:14

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3

1 Samueli 2:2

Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.