Joba 42:6 - Tshwa Bible

⁶ Hikwalaho nza ti sola, nzi hunzuluka, Na nzi hi tshurini ni le khumeni. Jona 3:6; 1 Kor. 11:31

Joba 42:6 교차 참조

Genesisi 18:27

Abrahama i lo hlamula, aku ngalo: Languta, makunu nzi tiyile ku wulawula ni Hosi ya mina, mina loyi nzi nga tshuri ni khuma.

1 Tihosi 21:27

Makunu laha Ahabi a ngazwa timhaka leti, i lo hanzula a tinguwo takwe, a ambala a tinguwo ta tisakwa, a yila. I lo etlela ni tinguwo ta tisakwa, a famba hi kunyanima.

Ezra 9:6

nziku: Nungungulu wa mina, nzi na ni tingana ni gome a ku tlakusa a nghohe ya mina ka wena Nungungulu wa mina, hakuva a zigoho za hina zi kulile zi tlakuka hehla ka tihloko ta hina, ni nanzu wa hina wu kulile wu chikela tilweni. Gen. 18:20; Kuv. 18:5

Joba 2:8

I lo lava xirengele ku ti tshuvela ha xona; i lo tshama lomu khumeni.

Joba 30:19

Yena i nzi hoxile lomu maropeni; Hikwalaho nzi mahile a tshuri ni khuma.

Joba 42:5

A tindleve ta mina ti wa zwile ha wena, Kanilezi makunu a mahlo ya mina ma ku wonile.

Joba 42:7

Anzhako kakuva Jehova a wulawulile na Joba, Jehova aku ka Elifaze a muTemane: A zanga ya mina yi vindlukisilwe yi vukela wena ni vanghana va wena va vambiri: hakuva a mu wulawulangi kusaseka ha mina khwatsi hi nanza ga mina Joba.

Joba 9:31

Wena u ta nzi hoxa lomu nzhopeni, Ni tinguwo ta mina ti ta nzi swira.

Tisimu 51:17

A muphahlo lowu wu xalalisako Nungungulu hi moya loʼwu tshovekileko; Nungungulu, cima u nga ta nyenya a mbilu leʼyi tshovekileko, yi xanisekelako zionho. Isa. 66:2

Isaya 5:5

Nzi ta mu byela lezi nzi ta nga maha ka xivina xa mina: Nzi ta susa libhingo la xona li hiswa, Nzi ta khungumula a tigingisi la xona, ti kanzihelelwa.

Isaya 58:5

Hi kona kuyila loku ku nzi tsakisako ke? Xana i siku legi munhu a hlokisako muhefemulo wakwe? Kasi hi ku koramisa hloko khwatsi lihlanga, Ni ku etlela laha sakweni ni lomu khumeni, Hi zona u zi vitako aku kuyila, Lezaku i siku gi tsakisako Jehova ke? Zak. 7:5; Mat. 6:16

Jeremia 31:19

Anzhako na nzi hunzulukile, nza ti sola; Zonake loku nzi tivile a wutsumbu ganga nzi lo tiba tshambukhulu; Nzi si koyo tingana, nzi kanganyiseka, Hakuva nzi rwele a xisolo xa wuswa ga mina.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Ezekieli 20:43

Lomo mu ta alakanya a mahanyela ya nwina, zi zontlhe zimaho za nwina lezi mu nga ti nyenyezisa ha zona; mu ta ti nyenya hi kota ya kontlhe kubiha loku mu ku mahileko.

Ezekieli 36:31

Zonake mu ta alakanya a tindlela ta nwina to biha, ni zimaho za nwina zo nyenyeza. Mu ta ti swihala hi kota ya kubiha ka nwina ni manyalataniso ya nwina.

Ezekieli 6:9

Lava va ta nga huluka Xikari ka nwina, va ta nzi alakanya matikweni lawa va ta nga yiswa kona wukhumbini, laha na nzi tshovile a timbilu tabye leti ti nga tsumbekangiko, leti ti sukileko ka mina; ni mahlo yabye lawa ma mbilukelako a zifananiso zabye. Va ta ti nyenya wutsumbu gabye hi kota ya kubiha loku va ku mahileko ka wontihe manyalataniso yabye. Mitse. 15:39

Danieli 9:3

Nzi lo tlakusa a mahlo ya mina ka Hosi Nungungulu nzi maha mikhongelo, nzi kombela hi kuyila, nzi ambala tisakwa nzi ti chela khuma.

Levi 13:12

Kanilezi loku a hlokonho yi anzile ka miri wontihe, zonake yi fenengeta a miri wontihe wa mubabyi, kusukela hlokweni kala milengeni, kota lezo mupristi a ta nga zi wonisa zona,

Mateu 11:21

Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. Jona 3:7, 8

Luka 10:13

I khombo ka wena Korazini! I khombo ka wena Betsaida! Hakuva loku yi wa mahilwe ka Tire ni Sidoni a mitiro ya ntamu leyi yi mahilweko ka nwina, ngha na va hunzulukile kale, va tshama ngubyeni ya tisakwa ni khuma,

Joxua 7:6

Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.