16 Anzhako ka lezo Joba i lo hanya 140 wa malembe, i lo wona vana vakwe ni vazukulu vakwe, kala ka xizukulwana xa wumune.
Ni masiku ya Tera ma wa hi 205 wa malembe; yena i lofa le Harani.
A masiku ya malembe ya kuhanya ka Abrahama i 175.
A masiku ya Isaka ma wa hi 180 wa malembe.
Jakobe i lo hanya lomu Gipite 17 wa malembe; zinghaho a masiku ya wutomi gakwe ma wa hi 147 wa malembe.
Josefa i lo wona vanana va Efraime va xizukulwana xa wunharu; ni vana va Makira nʼwana Manasse, na vona va lo belekelwa madzolweni ya Josefa.
Zonake Josefa i lofa na hi ni 110 wa malembe; va lo lulamisela a xirumbi xakwe, va mu veka nghaxeni le Gipite.
A tikweni gontlhe ku wa nga hi kona a wasati wo saseka khwatsi hi vanhanyana va Joba; ni dadani wabye i lo va avela tshomba xikari ka vamakabye vabye.
Zinghaho Joba i lofa na a khosahele, na a hi wa masiku yo hlaya. Gen. 35:29
Futsi, u ta wona a vana va vana va wena. A kurula a kuve hehla ka Israeli. Joba 42:16; Gal. 6:16
A masiku ya kuhanya ka hina ma ringana 70 wa malembe, Ni lava va nga ni ntamu va nga chikela ka 80 wa malembe, Kanilezi a ntamu wa wona ngwa kubayiseka ni kukarateka, Hakuva ma hunza hi xihatla, hina hi nwalala.
A vazukulu hi xona xidlodlo xa zikhosana; i wudzunzo ga vanana hi vadadani vabye.
Na Mosi i wa hi ni 120 wa malembe xikhati lexo a ngafa; kanilezi a mahlo yakwe ma wa nga mahangi zilutsu, ni ntamu wakwe wu wa nga mbhetangi.
Anzhako ka lezi zilo, Joxua nʼwana Nuni, a nanza ga Jehova, i lofa na a hi ni 110 wa malembe.
