Joba 42:10 - Tshwa Bible

¹⁰ Zonake Jehova i lo tlhatlhisa Joba wukhumbini gakwe anzhako na a kombelele vanghana vakwe; na Jehova i lo anzisa ha kumbiri lezi Joba a nga wa hi nazo.

Joba 42:10 교차 참조

Deuteronome 30:3

Jehova Nungungulu wa wena i ta hunzulusa wukhumbi ga wena, a ku hawukela, a engeta a ku tsombanyisela ka wontihe matiko lawa Jehova Nungungulu wa wena a nga wa ku hangalasile ka wona.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 61:7

Wutshanwini ga tingana ta nwina mu ta aveliwa ha kambiri; Lava va nga nyenyiwa va ta tsakela xiavelo xabye. Hikwalaho lomu tikweni gabye va ta kuma leʼzi wuyetilweko ha kambiri, Va tava ni litsako la pinzukelwa.

Mavingu 22:4

A nchachazelo wa kutikoramisa ni ku chava Jehova, i wukosi ni wudzunzo ni wutomi.

Tisimu 14:7

O, loku ku wo khwatsi a kuhanyisa ka Israeli ku wa ta huma hi le Zioni! Laha Jehova a tlhelisako vanhu vakwe hi le kukhonweni, Zonake Jakobe i ta tsaka, na Israeli i ta nengela. Tis. 126:1; Mat. 1:21

Tisimu 126:1

Laha Jehova a nga wuyisa a vakhonwiwa va Zioni, Hi waku khwatsi hi lava va lorako.

Mitiro 7:50

A hi canja ga mina gi nga zi maha zontlhe lezi zilo ke?

Joba 1:3

Ni tshomba yakwe yi wa hi 7,000 wa tiyivu, ni 3,000 wa makameli, ni 500 wa mipatswa ya tikuzi, ni 500 va mapswele ya timbongola, ni maanza yo tala; hikwalaho a munhu oye i wa hi wa hombe ka vontlhe vanhu va le tikweni ga Mutsuwuka-gambo.

Hagai 2:8

A siliva nja mina, ni nzalama nja mina, ku wula Jehova wa tiyimpi.

Deuteronome 9:20

Yenawu Aroni, Jehova i wa zangarile ha yena, a lava ku mu daya, ka xwalexo xikhati nzi lo kombelela na Aroni.

Mitsengo 12:13

Zonake Mosi i lo rila ka Jehova, aku: O Nungungulu, nza ku khongotela lezaku u mu hanyisa!

Mitsengo 12:2

Vaku ngalo: Kasi Jehova i lo wulawula ka Mosi yece ke? Kasi a nga wulawulangi nchumu ka hina ke? Jehova i lo zizwa.

Mitiro 7:60

Zonake i lo khizama, aba huwa hi gezu ga hombe, aku: Hosi, u nga va hlayeli a xionho lexi. Laha na a wulile lezo i lo etlela. Lu. 23:34

2 Kronekele 25:9

Amazia i te ngalo ka munhu wa Nungungulu: Nzi ta maha yini hi titalenta leti ta 100 nzi ti nyikeleko ka yimpi ya va ka Israeli? A munhu wa Nungungulu i lo hlamula, aku: Jehova i ta ku nyika zo tala nguvu ku hunza lezo.

Luka 16:27

Yena aku ngalo: Dada, nza ku khongotela lezaku ngha u mu rumela le ndlwini ya dadani;

1 Samueli 2:7

Jehova wa vanga wusiwana, wa fumisa; Jehova wa tsongahata, ni kambe wa tlakusa.

Deuteronome 8:18

Alakanya Jehova Nungungulu wa wena, hakuva hi yena a ku nyikileko ntamu a ku ti lavela tshomba, a kuva a tiyisa xivumelwano lexi a hlambanyileko ka vararu va wena, khwatsi hi lezi a mahako ni nyamutlha lezi.

Genesisi 20:17

Abrahama i lo kombela ka Nungungulu: na Nungungulu i lo hanyisa Abimeleki ni sati wakwe, ni malanza yakwe ya xisati; va lo beleka.

Mitsengo 14:10

A tlhangano wontihe wu lo lava ku va gandla hi maribye. Kanilezi a kungangamela ka Jehova ku lo woneka hehla ka tenda ga mutlhangano, a mahlweni ka vanana vontlhe va ka Israeli.

Tisimu 53:6

O, loku ku wo khwatsi a kuhanyisa ka Israeli ku wa ta huma hi le Zioni! Laha Nungungulu a tlhelisako vanhu vakwe hi le kukhonweni; Zonake Jakobe i ta tsaka, na Israeli i ta nengela. Gen. 49:18; Lu. 10:24

Jakobe 5:11

Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.

Joba 1:2

I wa belekile varisanyana va ntlhanu ni vambiri ni vanhanyana vanharu.

Joba 42:9

Zinghaho, Elifaze a muTemane, na Bildade a muXuhi, na Zofare a muNaamate, va lo ya maha khwatsi hilezi Jehova a nga va leletele, na Jehova i lozwa a mukombelo wa Joba.