Joba 4:19 - Tshwa Bible

¹⁹ Ku hunzeletisa kuyini ka lava va tshamako lomu tindlwini ta wumba, Lava a xiseketelo xabye xi nga laha tshurini, Va hetiswa kukotisa xiwungwani? 2 Kor. 5:1

Joba 4:19 교차 참조

Genesisi 18:27

Abrahama i lo hlamula, aku ngalo: Languta, makunu nzi tiyile ku wulawula ni Hosi ya mina, mina loyi nzi nga tshuri ni khuma.

Genesisi 2:7

Jehova Nungungulu i lo wumba munhu hi tshuri wa misava, ni ku mu pupuxela lomu tinhovini a muhefemulo wa kuhanya, ni munhu i lo maha xiwumbiwa xi hanyako. 1 Kor. 15:45, 47

Genesisi 3:19

U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

Joba 10:9

Alakanya lezaku u nzi mahile kukotisa wumba, U ta nzi tlhelisa nziya tshurini kambe ke?

Joba 13:12

Zonake a timhaka ta nwina ta wutlhari ti ta ku khwatsi i khuma, Ni makhokhola ya nwina ma ta ku khwatsi makhokhola ya wumba.

Joba 13:28

Kasi nza mbheteka ku fanana ni xilo xi bolileko; Ku fanana ni nguwo leyi yi gilweko hi sumba.

Joba 14:2

Wa mila kukotisa xitsangi, zonake a wuna; Wa nyamalala kukotisa nzhuti, a nga have kona. Maheb. 13:14

Joba 22:16

Lava va nga susiwa hi mahlweni ka xikhati xabye; Lava a wuakelo gabye gi kukuletilweko hi ntalo wa mati;

Joba 25:6

A nga kuyini a munhu loyi a nga pungwani, Ni nʼwana wa munhu loyi a nga xiwungwani?

Joba 33:6

Languta, mina nzi fanana na wena mahlweni ka Nungungulu; Minawu kambe nzi mahilwe hi wumba. Gen. 2:7

Tisimu 146:4

Loku wu huma moya wakwe, a tlhelela ntshurini; Ku mbhela makungu yakwe hi gwalego siku. Gen. 3:19; Mutsha. 12:7

Tisimu 39:11

Loku u tsayisa munhu hi kota ya kubiha, U maha wukosi gakwe gi mbhela khwatsi hi loku gi giwa hi tisumba; Kunene, vanhu vontlhe kuhefemula ntsena. (Sela.)

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

2 Va le Korinte 4:7

Kanilezi a tshomba leyi hi nga nayo, yi hlayiswa lomu ka zibya za wumba, kasi ku woneka lezaku a ntamu lowu wa hombe ngwa Nungungulu, wu nga hi wa hina wutsumbu. 1 Kor. 2:5; Xip. 5:1

2 Va le Korinte 5:1

Hakuva ha zi tiva lezaku loku wu hahluka a xaxa wa miri wa hina, yi nga yindlu ya hina ya misava, hi na ni yindlu leyi yi akilweko hi Nungungulu, leyi yi nga akiwangiko hi mandla, ya pinzukelwa le tilweni. Fil. 3:21; Maheb. 11:10; 2 Ped. 1:13

1 Pedro 1:24

Hakuva: A nyama yontlhe yi khwatsi i byanyi, Ni kusaseka kontlhe ka yona ku khwatsi xitsangi xa byanyi, A byanyi ga wuna, ni xitsangi xi tlhatlheka, Isa. 40:6