Joba 4:17 - Tshwa Bible

¹⁷ A munhu wa kufa a nga lulama mahlweni ka Nungungulu ke? Ni kambe a munhu a nga basa mahlweni ka Mumahi wakwe ke?

Joba 4:17 교차 참조

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Joba 14:4

Himani a nga humesako a xilo xo basa hi ka xilo xi nga basangiko ke? Ge hambu ni munwe.

Joba 15:14

Xini munhu, lezaku ave loyi a hlazekileko ke? Ni loyi a pswelweko hi wasati, lezaku ave loyi a lulamileko ke? 1 Tih. 8:46; 1 Joh. 1:8, 10

Joba 25:4

A munhu a nga lulamisa kuyini mahlweni ka Nungungulu? Ni munhu a belekilweko hi wasati a nga basisa kuyini?

Joba 31:15

Loyi a mahileko mina rumbyini ga mamani, a hi yena a va mahileko ke? A hi munwe ntsena a hi mahileko lomu rumbyini ke? Efe. 6:9

Joba 32:22

Hakuva a nzi zi tivi ku dzumeleta hava, Ku nga taku a Mumahi wa mina a hatlisa a nzi susa.

Joba 35:10

Kanilezi a nga kona a wulako, aku: I kwihi Nungungulu, a Mumahi wa mina, Loyi a nyikako a zizimba wusikwini;

Joba 35:2

U alakanya lezaku zi sasekile lezi u wulako, uku: Kululama ka mina ku hunza ka Nungungulu ke?

Joba 36:3

Nzi ta neha wutivi ga mina hi le kule, Nzi ta tlhamusa a kululama ka Mumahi wa mina.

Joba 4:16

Wu lo yima, kanilezi nzi wa nga zi koti ku pima xiyimo xa wona: A xiruti xi wa hi mahlweni ka mina, ku wa la su cuwe! zonake nzi lozwa a gezu, giku:

Joba 40:8

U ta vinyetela a kululama ka mina ke? U ta nzi kona kasi ku ti basisa ke?

Joba 8:3

Nungungulu wa zi kota ku hunzula nongameto ke? Nyamintamu wa zi kota ku hunzula kululama ke? Deut. 32:4

Joba 9:2

Nza zi tiva lezaku zinghaho: Kanilezi a munhu a nga lulamisa kuyini mahlweni ka Nungungulu ke?

Tisimu 143:2

U nga engheni kulamuleni ni na nza ga wena, Hakuva xikari ka lava va hanyako A ku na munhu a ta nga kumiwa na lulamile mahlweni ka wena. Rom. 3:20; Gal. 2:16

Tisimu 145:17

Jehova i lulamile tindleleni takwe tontlhe, I na ni tipswalo mitirweni yakwe yontlhe.

Mutshawuteli 7:20

Hakuva a nga kona munhu a lulamileko misaveni, loyi a mahako kusaseka, a nga onhi nchumu.

Jeremia 12:1

A lulamileko hi wena, O Jehova, loku nzi kanetana na wena; Hambu zi hi tano nzi ta bhula na wena hi malamulela ya wena. Hikuyini a ndlela ya vakubiha yi vuvuma ke? Va kateka hikuyini vontlhe lava va nga tsumbekangiko? Joba 21:7; Tis. 73:3; Mat. 3:15

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Va le Roma 11:33

Mangabye a kueta ka kufuma ni kutlhariha ni wutivi ka Nungungulu! A kulamula kakwe a ku na ku pimiwa, ni tindlela takwe a ti na ku tibyiwa.

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Va le Roma 9:20

Munhu nzi wena, u mani wena u ta nga kanetisana na Nungungulu ke? Xana a mbita yi ngaku ka loye a yi wumbileko: Hi yini u nzi wumbisileko lezi ke? Isa. 29:16; 45:9; 64:8

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3