Joba 12:10 - Tshwa Bible

¹⁰ A mihefemulo ya zontlhe zi hanyako yi kona canjeni gakwe, Ni mimoya ya vanhu vontlhe.

Joba 12:10 교차 참조

Genesisi 2:7

Jehova Nungungulu i lo wumba munhu hi tshuri wa misava, ni ku mu pupuxela lomu tinhovini a muhefemulo wa kuhanya, ni munhu i lo maha xiwumbiwa xi hanyako. 1 Kor. 15:45, 47

Genesisi 6:17

Hakuva nzi ta neha a ntalo wa mati misaveni; kasi wu ta lovisa a nyama yontlhe yi nga ni muhefemulo wu hanyako, yi nga laʼhasi ka tilo; zontlhelele zi nga laha misaveni zi tafa.

Joba 27:3

Na nza ha hefemula, A moya wa Nungungulu na wa ha enghena tinhovini ta mina,

Joba 27:8

Hakuva ku kwihi kutsumba ka mukhohlisi kufeni kakwe, Laha Nungungulu a susako muhefemulo wakwe ke?

Joba 33:4

Nzi mahilwe hi Moya wa Nungungulu; Ni moya wa Nyamintamu wa nziha kuhanya.

Tisimu 104:29

Zi karateka loku u fihla a nghohe ya wena, Loku u susa moya wa zona, zafa, Zi tlhelela tshurini.

Tisimu 104:30

Zi vangiwa loku u rumela a moya wa wena, U sasekisa a nghohe ya misava yiva yiswa.

Mutshawuteli 9:1

Zontlhe lezi nzi zi ehleketile mbilwini, nzi zi hlotisisa, lezaku lava va lulamileko ni lava va tlharihileko, zinwe ni mitiro yabye, va lomu canjeni ga Nungungulu; a va zi tivi lezi zi nga mahlweni kabye, kutani liranzo hambu livengo.

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 57:16

Hakuva nzi nga ta ranisa kala kupinzuka, Ge hambu ku zangara xontlhe xikhati; Yi nga dzuka yi mbhelelwa hi ntamu a mimoya leyi nzi yi vangileko.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Mitsengo 16:22

Kanilezi vona va lowa hi tinghohe tabye, vaku: O Nungungulu, Nungungulu wa mimoya ya nyama yontlhe! U ta zangarela a tlhangano wontihe hi kuonha ka munhu munwe ke? Joba 12:10

Johani 3:6

Lezi zi belekilweko hi nyama zi hi nyama; ni lezi zi belekilweko hi Moya zi hi moya.

Mitiro 17:25

Tlhatakumbiri a nga tirelwi hi mandla ya vanhu, a ku khwatsi o vumala nchumu; kasi hi yena a va nyikako wutomi vontlhe, ni kuhefemula, ni zilo Zontlhe.

Mitiro 17:28

Hakuva ka yena ha hanya, ha fambafamba, hi hi ni kuvakona ka hina; kota lezi va wulileko a vanwani va vasimi va nwina va tisimu, vaku: Hinawu kambe hi pswalo wakwe. Kol. 1:17; Maheb. 1:3; Tit. 1:12