Joba 10:7 - Tshwa Bible

⁷ Wena wa tiva lezaku a nzi na nanzu, Ni lezaku a nga kona loyi a nga tlhatlhisako mandleni ya wena.

Joba 10:7 교차 참조

Joba 10:15

Khombo ka mina, loku nzi hi wa kubiha! Hambu loku nzi hi wa kululama, cima nzi nga ta tlakusa hloko ya mina. Nzi tele hi tingana, nzi cuwuka kubayiseka ka mina.

Joba 11:4

Hakuva wena u te ngalo: A gonzo ya mina yi basile, Nzi basile mahlweni ka wena.

Joba 13:18

Langutani, nzi vekile mhaka ya mina mahlweni kakwe, Nza zi tiva lezaku nzi ta hlayelwa kululama.

Joba 23:10

Yena wa tiva a ndlela leyi nzi fambileko ha yona, Loku a nzi ringa, nzi ta huma nzi basile kukotisa nzalama.

Joba 23:11

A nkonzo wa mina wu lanzela zikanzihelo zakwe; Nzi hlayisile a ndlela yakwe, cima a nzi hambukangi ka yona.

Joba 27:22

Hakuva Nungungulu i ta mu tlhava, a nga mu neneki; I ta lava ku nyemuka canjeni gakwe a tsutsuma.

Joba 31:14

Nzi ta kuyini laha Nungungulu a ta nga nzi vukela? Ni loku a nzi ranisa nzi ta hlamula yini?

Joba 31:35

Mayiwako ku khwatsi a ngava kona a nzi zwako! Langutani, a mixuvo ya mina hi leyi: Lezaku Nyamintamu a nzi hlamula, Nzi wona a keco yi tsalilweko hi nala wa mina yo komba a nanzu wa mina.

Joba 31:6

Ngha mina nzi vekiwa lomu xikalwini xi lulamileko; Kasi Nungungulu a ta zi tiva lezaku a nzi na nanzu.

Joba 32:1

Zonake a vavanuna lavo vanharu va lo gumesa ku wulawula na Joba, hakuva i lo ti wula loyi a lulamileko.

Joba 33:9

Mina nzi basile, a nzi na zihambunyeto; A nzi na nanzu, a nzi na xigoho.

Joba 40:8

U ta vinyetela a kululama ka mina ke? U ta nzi kona kasi ku ti basisa ke?

Joba 42:7

Anzhako kakuva Jehova a wulawulile na Joba, Jehova aku ka Elifaze a muTemane: A zanga ya mina yi vindlukisilwe yi vukela wena ni vanghana va wena va vambiri: hakuva a mu wulawulangi kusaseka ha mina khwatsi hi nanza ga mina Joba.

Joba 9:12

Languta, loku a teka muphango himani a nga mu tsimbetelako? Himani a nga wulako kakwe, aku: Xini u mahako ke?

Joba 9:21

Nzi lulamile, a nzi khataleli kuhanya ka mina, Mina nzi solisa a wutomi ga mina.

Joba 9:22

I mhaka yinwe ntsena nzi yi tiyisako, Yaku: Wa lovisa valulamileko ni vakubiha hi wumbiri gabye.

Tisimu 1:6

Hakuva Jehova wa tiva a ndlela ya valulamileko, Kanilezi a ndlela ya vakubiha yi ta lova. Mal. 3:18; 2 Tim. 2:19

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Tisimu 50:22

Makunu pimisisani lezi, nwina lava mu rivalako Nungungulu, Kasi nzi nga mu hanzuleli zipanzana, na mu nga hi na ku pona.

Tisimu 7:3

Jehova, Nungungulu wa mina, loku nzi mahile zakunghahi, Loku ku hi kona kubiha mandleni ya mina;

Isaya 43:13

A kusukela lezi ni kuya mahlweni nzi yaloye, A nga kona a nga tlhatlhisako canjeni ga mina. Loku nzi ranza ku maha nchumu himani a ta nga nzi kaneta?

Danieli 3:15

Makunu loku mu longile aku ni xihi xikhati mu zwako a kuvuma ka paratana, ni ka mpunzu, ni ka xitende, ni ka khombela, ni ka ngoma, ni ka mihambi, ni ka tontlhe tixaka ta wucenje, muwa hasi mu khizamela a xifananiso lexi nzi nga xi maha, zi sasekile. Kanilezi loku mu nga xi khizamela mu ta hoxiwa zalezo xikari ka nzhimbo wa pingo ga nzilo. Hi wihi nungungulu a to zi kota ku mu tlhatlhisa mandleni ya mina ke?

Hosea 2:10

Makunu nzi ta funungula a tingana takwe mahlweni ka zigangu zakwe, a nga kona a ta nga mu ponisa canjeni ga mina.

Hosea 5:14

Hakuva ka Efraime nzi ta fanana ni nghala, nzi fanana ni xinghalana a ka yindlu ya ka Juda. Mina wutsumbu nzi ta hanzula nzi ti fambela; nzi ta rwala a pfimba, ku nga hi kona a to nzi wutlela wona.

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

1 Va le Tesalonika 2:10

Nwina mu vakustumunyu va hina, ni Nungungulu kambe, lezaku hi tshamisile kuyini hi kubasa ni kululama ni kungasoleki ka nwina lava mu kholwako.

Joxua 22:22

Nungungulu Nyamintamu, Nungungulu Jehova, wa zi tiva, na yenawu Israeli i ta zi tiva! Loku hina hi mahile lezo zilo hi kuhluwuka hi vukela Jehova ni ku mu onhela, u nga hi ponisi inyamutlha.