Joba 1:5 - Tshwa Bible

⁵ Loku va hetile mibuzo yabye, Joba i wa va vitana a ta va basisa; a vuka ni mixo a ya nyikela munyikelo wa kuhiswa, maringano ni tsengo wabye vontlhe, hakuva Joba i waku: Kutani a vana va mina va onhile, va tsika Nungungulu lomu timbilwini tabye. Joba i wa maha lezo xontlhe xikhati.

Joba 1:5 교차 참조

Genesisi 22:3

Abrahama i lo vuka ni mixo, i lo gabhatsela a mbongola yakwe, a teka a malanza yakwe ya mambiri, na Isaka a nʼwana wakwe, i lo tshova ni tihunyi ta munyikelo wa kuhiswa, i lo suka aya ka wutshamu lego Nungungulu a nga mu byelile gona.

Genesisi 6:5

Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Genesisi 8:20

Zonake Noa i lo mu akela a ganzelo Jehova; i lo pambula xikari ka zontlhe zihari zi hlazekileko, ni ka tontlhe tinyanyani ti hlazekileko, a nyikela munyikelo wa kuhiswa laha alatini.

1 Tihosi 18:31

Elija i lo teka a 12 wa maribye, ku ringana ni tsengo wa tixaka ta vanana va ka Jakobe, loyi Jehova a teku kakwe: A vito ga wena gi tava Israeli. Gen. 32:28; 30:10; Jox. 4:5, 20

1 Tihosi 21:10

mu yimisa a vavanuna vambiri va nyamijiri mahlweni kakwe, lava va ta ngava timboni ha yena, vaku ngalo: Wena u rukatele Nungungulu ni hosi. Zonake mu ta mu humesa lahandle mu mu gandla hi maribye, afa.

1 Tihosi 21:13

Zonake a vavanuna vambiri va nyamijiri va lo ya tshama mahlweni kakwe, va maha wukustumunyu va vukela Nabote mahlweni ka vanhu vaku: Nabote i rukatele Nungungulu ni hosi. Zonake va lo mu humesa lahandle ka muti va ya mu gandla hi maribye, afa.

Nehemia 12:30

A vapristi ni vaLevi va lo ti basisa; va basisa ni vanhu, ni tinyangwa, ni ligingisi.

Joba 1:11

Kanilezi hi nga nawuluta a canja ga wena, u khumba zontlhe lezi a nga nazo, na yena i ta ku rukatela kuwoneni ka wena.

Joba 1:4

A vana vakwe va wa hi ni mukhuwo wo mahelana mibuzo siku ni siku lomu ndlwini ka munwe ni munwani; va wa ramba ni vamakabye vabye va vanharu a ku taga ni kunwa zinwe navo.

Joba 2:9

Zonake a sati wakwe aku kakwe; Wa ha simamisile kululameni ka wena ke? Rukatela Nungungulu, ufa!

Joba 27:10

I ta xalaliswa hi Nyamintamu ke? I ta khongela ka Nungungulu xontlhe xikhati ke?

Joba 41:25

Loku yi suka yi yima, a tinhenha to chava, A kuchava kabye ku va maha va tsutsuma.

Joba 42:8

Hikwalaho humesani a ntlhanu ni timbiri tikuzi, ni ntlhanu ni timbiri a tihamba, muya ka nanza ga mina Jeba, mu ya ti mahela a munyikelo wa kuhiswa; ni nanza ga mina Joba i ta mu khongelela. Hakuva yena nzi ta mu amukela, kasi nzi nga mahi ka nwina kota wupumbu ga nwina, hakuva a mu wulawulangi kusaseka ha mina kukotisa a nanza ga mina Joba.

Joba 6:14

Loyi a hlokiswako i zwelwa wusiwana hi maxaka yakwe; Hakuva a nga tsika ku chava Nyamintamu.

Joba 8:4

Loku a vana va wena va mu onhele, I va hoxile hi kota ya kugoha kabye.

Tisimu 5:3

Jehova, wazwa a gezu ga mina ni mixo, Nzi kombela ka wena laha mixweni, nzi ku langutela.

Eksodusi 18:12

Zonake Jetro, muxade wa Mosi, i lo nyikela munyikelo wo hiswa ni miphahlelo ka Jehova; Aroni ni masingalakati wontihe ya vaIsraeli va lo taga zibaba ni muxade wa Mosi mahlweni ka Nungungulu.

Eksodusi 19:10

Jehova i te ngalo ka Mosi: Famba ka vanhu u ya va basisa nyamutlha na manziko, va hlaza tinguwo tabye;

Eksodusi 24:5

Zonake i lo ruma a majaha ya ka Israeli a ku nyikela a munyikelo wa kuhiswa, ni muphahlelo wa ku khesa Jehova hi tikuzi.

Mutshawuteli 9:10

Ni xihi lexi a canja ga wena gi xi tirako, xi mahe hi ntamu wa wena: hakuva a ku na ntiro, hambu makungo, ni kutiva, ge, hambu wutlhari le Xeoli lomu u yako kona. Tis. 6:5; Isa. 38:18; Joh. 9:4

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Ezekieli 14:14

hambu loku a vavanuna lava vanharu, a va Noa na Danieli na Joba, va wa tshamile xikari ka gona, va wa ta ponisa a wutsumbu gabye ntsena hi kululama kabye, ku wula Hosi Jehova.

Luka 1:75

Hi kubasa ni kululama mahlweni ka yena masikwini wontihe ya hina.

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Johani 11:55

A Pasika ga vaJuda gi wa tshinele; a vanyingi va lomu tikweni va loya Jerusalema, kasi ku ya ti basisa, a Pasika na gi nga se ku chikela. Xip. 2:13; 5:1; 6:4

Mitiro 21:26

Zonake hi manziko wa kona, Paule i lo famba ni vanhu lavo, a ya ti basisa zinwe navo, a enghena tempeleni, a ya bika a siku legi ku ta nga mbhela ha gona a kubasiswa, ni xikhati lexi ku ta nga nyikelwa a munyikelo wa munwe ni munwani wa vona. Paule a khomiwa lomu tempeleni.

Mitiro 8:22

Hikwalaho hunzuluka kubiheni ka wena, u kombela ka Hosi, kutani u nga tsetselelwa a kualakanya ka mbilu ya wena.

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Va le Korinte 11:2

Nza lusa ha nwina hi xiluse xa Nungungulu; hakuva nzi lo mu nyikela a ku wutiwa hi nuna munwe, kasi nza fela ku mu yisa ka Kristu na mu hi nhwana a basileko. Levi 21:13; Hos. 2:19; 1 Kor. 4:15; Gal. 4:17; Kol. 1:28

Va le Efesusi 6:18

Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4

1 Samueli 16:5

Yena aku kabye: Nzita hi kurula; nzi tela ku ta phahlela ka Jehova. Ti basiseni mu ta famba na mina le muphahlweni. Zonake i lo basisa Jese ni vana vakwe, a va vitana vata muphahlweni. Ekso. 9:10