Joba 1:21 - Tshwa Bible

²¹ Nzi lo huma nzi nga hi na nchumu hi lomu rumbyini ga mamani, nzi ta tlhelela kona nzi nga hi na nchumu. Jehova i nzi nyikile, Jehova i tlhelile a teka; a gi dumiswe a vito gakwe! Mutsa. 5:14; 1 Tim. 6:7

Joba 1:21 교차 참조

Genesisi 3:19

U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

Genesisi 30:2

Zonake a zanga ya Jakobe yi lo vindlukela Rakeli; i te ngalo: Nzi mina Nungungulu ke, loyi a beletelako mihanzu ya marumbu ya wena ke?

Genesisi 45:5

Makunu mu nga bayiseki timbilu, mu xaniseka hi kota ya lezi mu nga nzi xavisa nzita seno, hi lezaku Nungungulu i nzi rumile nzi mu rangela, a ku ta hanyisa wutomi ga vanhu.

2 Samueli 16:12

Kutani Jehova i ta cuwuka kuxaniseka ka mina, zonake a nzi nyika kurula hi kota ya kurukatela kakwe ka nyamutlha.

1 Tihosi 12:15

Zinghaho a hosi a yi ingisangi a timhaka ta vanhu, hakuva i kungo gi nga wa longisilwe hi Jehova, kasi ku fela ku maheka lezi a zi wulileko hi nomu wa Ahija a muXiloni ka Jeroboamu nʼwana Nebate.

2 Tihosi 20:19

Zonake Hezekia i te ngalo ka Isaya: A gezu lego Jehova a gi wulileko gi nene! A engeta aku: Xana ku nga tava kona kurula ni kutshameka xikari ka vanhu masikwini ya kuhanya ka mina ke?

Nehemia 9:5

Zonake a vaLevi, na Jexua, na Kadmieli, na Bani, na Haxabneia, na Xerebia, na Hodia, na Xebania, na Petahia, vaku: Sukani mu yima, mu bonga Jehova Nungungulu wa nwina kala kupinzuka. A gi bongiwe a vito ga wena gi dzunzekileko, gi tlakukileko, gi hunzeleleko kudumiswa kontlhe.

Joba 1:11

Kanilezi hi nga nawuluta a canja ga wena, u khumba zontlhe lezi a nga nazo, na yena i ta ku rukatela kuwoneni ka wena.

Joba 2:10

Kanilezi yena aku ngalo kakwe: Wena u wulawulisa ku khwatsi hi munwe wa zipumbu za vavasati. Hi ta amukela ntsena leʼzo saseka hi canjeni ga Nungungulu, hi nga ha amukeli zo biha ke? A ka zontlhe lezo cima Joba a nga gohangi hi milomu yakwe.

Joba 9:12

Languta, loku a teka muphango himani a nga mu tsimbetelako? Himani a nga wulako kakwe, aku: Xini u mahako ke?

Tisimu 34:1

Nzi ta dumisa Jehova wontihe masiku; Nzi ta mu bonga hi nomu wa mina xontlhe xikhati.

Tisimu 34:2

A muhefemulo wa mina wu ta ti kulisa ha Jehova; Lava va koramileko va ta zizwa va tsaka.

Tisimu 39:9

Nza miyela, a nzi vululi nomu wa mina, Hakuva hi wena u zi tirileko.

Tisimu 49:17

Hakuva laha a fako a nga ta suka na nchumu; A wukosi gakwe a gi teleli naye. Joba 27:16; Lu. 12:15

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

Mutshawuteli 5:14

A tshomba leyi yi lahleka hi khombo go kari; kasi loku a pswala nʼwana a nga hi na nchumu canjeni gakwe. Joba 1:21; 1 Tim. 6:7

Mutshawuteli 5:15

Khwatsi hilezi a nga huma rumbyini ga nyine na a hi ximbyiri, i ta tlhelisa zalezo, cima a nga ta teka nchumu xa ntiro wakwe a suka naxo.

Mutshawuteli 5:19

Loku Nungungulu a nyikile munhu wukosi ni titshomba, a mu vumela a ku ziga, ni ku ti tekela xiavelo xakwe, ni ku tsakela ntiro wakwe, lexo xinyikiwo xa Nungungulu.

Isaya 24:15

Dumisani Jehova le Mutsuwuka-gambo, ni lomu kukomama ni bimbi, khesani a vito ga Jehova, Nungungulu wa ka Israeli.

Isaya 42:24

Himani a nyikeleko Jakobe a kuva a phangiwa, Na Israeli mandleni ya vaphangi ke? A hi Jehova loyi hi mu onheleko ke? Loyi va alileko ku famba tindleleni takwe, Va nga ingisi nayo wakwe.

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Mikosi 3:38

A makatekwa ni makhombo hi wumbiri ga wona A ma rumiwangi hi nomu wa Loyi a nga Hehlahehla ke?

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Mateu 20:15

A zi faneli a kuva nzi maha lezi nzi zi ranzako hi za mina nwinyi ke? kutani a tihlo ga wena gi bihile hilezi nzi nga nene ke? Rom. 9:21

Mitiro 4:28

kasi va maha lexi u nga xi yimisile hi kale hi canja ga wena ni khungo ga wena, a kuva xi maheka. Xip. 2:23

Va le Efesusi 5:20

xontlhe xikhati mu bonga Nungungulu a Dadani hi kota ya zilo zontlhe a vitweni ga Hosi ya hina Jesu Kristu. Joba 1:21; Tis. 34:1

1 Va le Tesalonika 5:18

Bongani Nungungulu zilweni zontlhe; hakuva hi kona kuranza ka Nungungulu ka Kristu Jesu ha nwina.

1 Timote 6:7

A hi tangi na nchumu laha misaveni, zi te dlunya lezaku a hi zi koti ku teka nchumu loku hi suka ka yona. Joba 1:21; Mutsa. 5:15

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Jakobe 5:11

Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8

Rute 1:21

Nzi sukile na nzi tele, kanilezi Jehova i nzi wuyisile na nzi hi phanga. Mu ta nzi vitanela yini ku Naomi, na mu wona lezaku Jehova i nzi hoxile, ni Nyamintamu i nzi vangele hlomulo ke?

1 Samueli 2:7

Jehova wa vanga wusiwana, wa fumisa; Jehova wa tsongahata, ni kambe wa tlakusa.

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.

1 Samueli 3:18

Zonake Samueli i lo hlawutela zontlhe, a nga mu fihlelangi ni xilo xinwe. Zonake Eli i te ngalo: Hi Jehova; a mahe lezi zi sasekileko kuwoneni kakwe.