Elixa i wa kari a mu wona; i loba huwa aku: Dada, dada! Wena u nga tikareta ta ka Israeli ni vakhileli va mahaxi ya kona! A nga ha mu wonangi kambe. Zonake Elixa i lo tlemerela a tinguwo takwe a ti hanzula hi laha xikari.
Laha vontlhe va ka Israeli va nga wa wonile a nzilo ni kungangamela ka Jehova, na zi relela lomu ndlwini, va lo korama lahasi liranzabyeni, va khizama va dumisa Jehova, vaku: Hakuva yena i lulamile, hakuva a wuxinji gakwe ga kala kupinzuka.
Makunu laha nzi ngazwa a timhaka leto, nzi lo hanzula a bhaji ga mina, ni tinguwo ta mina, nzi hlurula a misisi ya hloko ya mina, ni xilevu xa mina, nzi tshama lahasi na nzi swirekile.
laho ku lota bhubhutsa ga hombe hi le xiwuleni, giba a mune wa magwitsi ya yindlu, yi wela hehla ka vona, yi va daya; ku lo pona mina nzoce nzi ku byelako.
Ku te loku va tlakusa mahlo yabye na va hi kule, va nga mu tivi, va lo tlakusa magezu yabye, va rila; va lo hanzula tinguwo tabye, va xwanyela khuma hehla ka tihloko tabye gi tsutsusela tilweni.
A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.
Halula a misisi ya hloko ya wena, u yi cukunyeta, o Jerusalema, u ya maha nkosi le zitsungeni, hakuva Jehova i alile ni ku tsika a xizukulwana lexi xi vuxileko a zanga yakwe.
Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17
I lo famba mahlweni kutsongwani, a yawa hi nghohe yakwe, a khongela, aku: Dadani, loku zi koteka, a gombe legi a gi hunze ka mina; ahemba na ku nga mahiwi hi kuranza ka mina, kanilezi kota kuranza ka wena. Mar. 14:36; Joh. 12:27; Fil. 2:8
Zonake nzi lowa lahasi mahlweni ka Jehova, 40 wa masiku ni 40 wa wusiku khwatsi hi kusanguleni; a nzi gangi zakuga hambu ni kunwa mati, hi kota ya xionho lexi xa hombe mu onhileko ha xona, hi ku maha lezi zi bihileko mahlweni ka Jehova, mu mu zangarisa.
Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.
