Jeremia 52:33 - Tshwa Bible

³³ I lo mu tlhatlhisa a tinguwo takwe ta wuperesu, aga zakuga mahlweni ka hosi wontihe masiku ya kuhanya kakwe.

Jeremia 52:33 교차 참조

Genesisi 41:14

Zonake Faro i lo rumela ku ya vitana Josefa; zalezo va hatlisa ku ya mu humesa paxweni. I lo ti cinga, a ambala tinguwo tinwani, a ya enghena ka Faro.

Genesisi 41:42

Faro i lo susa a phera yakwe titihweni lakwe, a yi vekela litihweni la Josefa, i lo mu ambexa a tinguwo to saseka ta wukene, i lo mu boha a kadiyadi ga nzalama nhanwini yakwe.

2 Samueli 9:13

Mefiboxete i lo tshama le Jerusalema, hakuva wontihe masiku i waga laha mezeni ya hosi; kanilezi i wa lamele mikonzo yontlhe.

2 Samueli 9:7

Davida aku kakwe: U nga chavi, hakuva nzi lava ku ku mahela tipswalo hi kota ya raru wa wena Jonatani. Nzi ku tlhelisela a sava gontlhe ga Saule a raru wa wena; kasike masiku wontihe wena u taga laha mezeni na mina.

1 Tihosi 2:7

Kasike a vana va Barzillai a muGileade, u ta kombisa wunene ka vona. U taga na vona mezeni ya wena, hakuva va mahile khwatsi ka mina xikhatini lexi nzi nga wa chava nakuloni Absalome.

2 Tihosi 25:29

I lo mu susa a tinguwo takwe ta wuperesu, aga zakuga mahlweni ka hosi wontihe masiku ya kuhanya kakwe.

Tisimu 30:11

Lezo u hunzule a kurila ka mina kuva kukina, Wena u nzi tlhatlhile a nguwo ya xirilo, u nzi ambexa hi litsako,

Zakaria 3:4

A ngelosi yiku ka lava va nga yimile mahlweni ka yona: Mu tlhatlheni a tinguwo to nyenyeza! Yi wuya yiku kakwe: Nzi ku susele a kugoha ka wena; nzi ta ku ambexa tinguwo ta mibuzo. Isa. 4:4; Mika 7:18; Lu. 15:22