Jeremia 50:46 - Tshwa Bible

⁴⁶ A misava ya rurumela hi guwa ga kuhlulwa ka Babuloni, ni nkosi wa zwala matikweni wontihe.

Jeremia 50:46 교차 참조

Isaya 15:5

A mbilu ya mina yi rilela Moabi; Kota lezi va tsutsumako va chikela Zoare, ni Eglat-xelixiya; Hakuva va tsutsumela xitsungeni xa Luhite na va kari va rila, Ni ndleleni ya le Horonaime vaba tihuwa ta kulobyiswa.

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Jeremia 46:12

A matiko ma zwile hi tingana ta wena, A misava yi tele hi tihuwa ta wena, A nhenha yinwe yi khunguvanyiswa hi yinwani, Tiwa zinwe hi wumbiri ga tona.

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 49:21

A misava ya rurumela hi guwa ga kuwa kabye; a kurila kabye ka zwakala ni le Bimbini go Pswhuka.

Jeremia 51:29

A misava ya rurumela, yi le kubayisekeni; hakuva a makungo ya Jehova ya ku hahlula a tiko ga Babuloni, gi ngavi na vaaki, ma maheka.

Jeremia 51:54

Hi ngazwa a tihuwa ta Babuloni, ni kulobyiswa ka hombe le tikweni ga maKaldea!

Ezekieli 26:18

A zihlale zi ta rurumela hi siku ga kuwa ka wena, A zihlale lezi zi nga le bimbini zi ta rurumela hi kugumelwa ka wena.

Ezekieli 27:28

A fungu wa bimbi wu tsekatseka hi guwa ga vamarinyero va wena.

Ezekieli 31:16

Nzi lo maha matiko ma rurumela hi guwa ga kuwa ka yona, laha nzi nga yi hoxa Xeole zinwe ni lava va relelako nkeleni. Tontlhe tisinya ta Edeni, leti ti hlawulekileko ta Lebanoni, tontlhe leti ti nwako mati, ti lo chavelela lehasi ka misava.

Ezekieli 32:10

Ina, nzi ta maha vanhu vanyingi va hlamaliswa ha wena, Ni tihosi tabye ti ta rurumela hi kota ya wena, Laha nzi ta nga tlakusa a supado ya mina mahlweni kabye. Va ta rurumela xontlhe xikhati, Munwe ni munwani a rurumelela a wutomi gakwe hi siku ga kuwa ka wena.