Jeremia 50:37 - Tshwa Bible

³⁷ A supado a yive hehla ka mahaxi yakwe ni tikareta takwe, ni hehla ka valuveli vontlhe lava va nga xikari kakwe, kasi va tlhela vaku khwatsi mba vavasati. A supado a yive hehla ka titshomba takwe, lezaku ti phangiwa.

Jeremia 50:37 교차 참조

Tisimu 46:9

Yena i maha a tiyimpi ti khawula kala magumelweni ya misava, Wa tshova wura, ni ku tsema tlhari gi pulakanyeka; A hisa tikareta nzilweni.

Tisimu 76:6

Vontlhe vakhileli va tikareta va etlele ni mahaxi yabye. Hi kota ya kukawukwa hi wena, Nungungulu wa Jakobe.

Isaya 19:16

A ka siku lego Gipite i ta fanana ni vavasati; i ta rurumela a chava a xibhakela xa Jehova wa tiyimpi xi tlakusiwako, xi va vukela.

Isaya 45:3

Nzi ta ku nyika titshomba ti fihlilweko. Ni cuma xi tumbetelweko matshanwini ya xihundla, Kasi wa fela ku tiva lezaku mina Jehova Loyi nzi ku vitanako hi vito ga wena, nzi Nungungulu wa ka Israeli.

Jeremia 25:20

ni valuveli va kona; ni tihosi tontlhe ta tiko ga Uzi, ni tihosi tontlhe ta tiko ga maFilistia, ni Askeloni ni Gaza, ni Ekroni ni salela wa Axdodi;

Jeremia 25:24

ni tontlhe tihosi ta Arabia, ni tontlhe a tihosi ta valuveli lava va tshamako xiwuleni;

Jeremia 48:41

Keriote i hlulilwe, a makhokhola ma enghenilwe, ni timbilu ta tinhenha ta Moabi hi siku lego ti ta fanana ni mbilu ya wasati loyi a lunwako.

Jeremia 50:10

Kaldea i ta phangiwa, a vaphangi vakwe vontlhe va ta xura, ku wula Jehova.

Jeremia 50:26

Tanani, mu mu vukela matlhelweni wontihe, mu phanga a zihlangala zakwe. Mu vingereteleni aku khwatsi tinhulu, mu mu lovisa aku bhi, mu nga siyi nchumu.

Jeremia 51:21

Ha wena nzi lo panza a haxi ni mukhileli wa gona; Ha wena nzi lo panza a kareta ni mukhileli wa yona;

Jeremia 51:22

Ha wena nzi lo panza wanuna ni wasati; Ha wena nzi lo panza a xikhosana ni xinwanana; Ha wena nzi lo panza a jaha ni nhwana;

Jeremia 51:30

A tinhenha ta Babuloni ti tsikile a kulwa, ti tshamile lomu makhokholeni ya tona; ti mbhelelwe hi ntamu, va tlhela vaku khwatsi mbavasati. A miti yakwe ya hisiwa hi nzilo, a zikwinyaro zakwe zi tshobyilwe.

Jeremia 51:4

Vanhu va tawa na va file tikweni ga maKaldea ni lava va tlhabyilweko lomu maruweni ya kona.

Ezekieli 30:5

Etiopia, na Pute, na Lude, hi vontlhe vanhu va xangeleneko; na Kube, ni vanana va tiko ga xivumelwano, va ta dawa hi supado zinwe navo.

Ezekieli 39:20

Laha mezeni ya mina mu ta xura hi mahaxi yo khilele ni ya tikareta, hi tinhenha ni vanhu vontlhe va yimpi, ku wula Hosi Jehova.

Nahume 2:13

Languta, nzi ta ku vukela, ku wula Jehova wa tiyimpi; nzi ta hisa tikareta ta wena, ti maha musi; a supado yi ta lovisa a tinghalana ta wena. Nzi ta susa misaveni lezi u zi phangileko, ni magezu ya mitsumi ya wena ma nga ta ha zwala kambe.

Nahume 3:13

Languta, a vavanuna va nga ka wena mbavasati ntsena, a tinyangwa ta tiko ga wena ti vululelwe a valala va wena; a nzilo wu hisile a zikwinyaro za wena.

Hagai 2:22

Nzi ta khungumula a zitshamu za wuhosi za mifumo, nzi ta fuvisa a ntamu wa mifumo ya vamatiko; nzi ta hangalasa a tikareta ni vakhileli va tona; a mahaxi ni vakhileli va wona va ta dawa munwe ni munwani hi supado ya nakulobye.