Jeremia 50:36 - Tshwa Bible

³⁶ A supado a yive hehla ka lava va profetako mawunwa, va ta hunguka. A supado a yive hehla ka tinhenha takwe, kasi va tsemeka-hlana.

Jeremia 50:36 교차 참조

2 Samueli 15:31

Va lo byela Davida; vaku: Ahitofeli i lomu xikari ka lava va yimako na Absalome. Davida i te ngalo: Jehova, hunzula wusungukati ga Ahitofeli giva wupumbu! Joba 5:12

2 Samueli 17:14

Absalome ni vontlhe vavanuna va ka Israeli va te ngalo: A xikungo xa Huxai a muArke xi sasekile ku hunza xa Ahitofeli. Hakuva Jehova i wa xuvile ku chipisa a xikungo xa xinene xa Ahitofeli, kasi a khombo ga wela Absalome. Joba 5:12

2 Kronekele 25:16

Khwatsi hi lezi a nga wa wulawula naye, a hosi yi te ngalo kakwe: Hi ku yimisile a kuva ginwe ga masungukati ya hosi ke? Suka u famba! U laʼku dawelwa yini ke? Zonake muprofeti i lo Suka, aku: Nza wona lezaku Nungungulu i xuvile ku ku lovisa hi kota ya zilo lezi u zi mahileko; a ku ingisangi a gezu ga mina.

Isaya 43:14

Jehova a Mutlhatlhisi wa nwina, Loyi a Basileko wa ka Israeli, i ngalo: Hi kota ya nwina nzi rumile a muhlaseli le Babuloni, Nzi hlongola vontlhe vahombe va kona, A maKaldea va ta tsutsuma lomu matarwini yabye va nga tsaka ha wona.

Isaya 44:25

Nza tsetsula a mawunwa ya vahembi, Nzi maha vavumbi va hunguka. A titlhari nza ti tlhelisa nzhako, Nzi hunzula wutlhari gabye giva wupumbu;

Jeremia 48:30

Nza tiva a khulo gakwe, ku wula Jehova, Lezaku a hi ga nchumu. A kutikulisa kakwe a ku tirangi nchumu.

Jeremia 49:22

Langutani, wata hi ku puruma kukotisa a gama, a tshambuluta a tipapa takwe a vukela Bozra. A siku lego a timbilu ta tinhenha ta le Edome ti ta fanana ni mbilu ya wasati loyi a lunwako.

Jeremia 50:30

Hikwalaho a majaha yakwe ma tawa maruweni yakwe, ni vanhu vakwe vontlhe va yimpi va ta mbhetwa hi siku lego, ku wula Jehova.

Jeremia 51:23

Ha wena nzi lo panza a murisi ni ntlhambi wakwe; Ha wena nzi lo panza a murimi ni tinkavi takwe; Ha wena nzi lo panza a vafumeli ni tinduna.

Jeremia 51:30

A tinhenha ta Babuloni ti tsikile a kulwa, ti tshamile lomu makhokholeni ya tona; ti mbhelelwe hi ntamu, va tlhela vaku khwatsi mbavasati. A miti yakwe ya hisiwa hi nzilo, a zikwinyaro zakwe zi tshobyilwe.

Jeremia 51:32

A mapelo ma tekilwe, va hisile a hlanga hi nzilo, ni vavanuna va yimpi va chava.

Nahume 2:8

Ni kale Niniva i wa ku khwatsi i tiva ga mati; kanilezi va tsutsuma, vaku: Yimani, yimani! Kanilezi a ngakona ni munwe a cuwukako nzhako.

Nahume 3:13

Languta, a vavanuna va nga ka wena mbavasati ntsena, a tinyangwa ta tiko ga wena ti vululelwe a valala va wena; a nzilo wu hisile a zikwinyaro za wena.

Nahume 3:7

Zonake vontlhe lava va ku wonako, va ta ku tsutsuma, vaku: Niniva i hahlukile! Himani a ta nga mu rilela? Nzi ta ku kumela kwihi a vachaveleli?

1 Timote 4:2

hi kota ya wuxengeteli ga vanhu va kanelako mawunwa, lava a livalo labye li hisilweko khwatsi hi xiketse xo hisa. Efe. 4:19

1 Timote 6:4

yena i kukumukile na a nga tivi nchumu, i na ni wubabyi ga ku wutisa ziwutiso ni ku kanetisana hi timhaka, laha ku humako kona a makangwa, ni kuholova, ni tihlamba, ni kualakanyela kubiha, 1 Kor. 8:2

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6