Jeremia 50:2 - Tshwa Bible

² Tlhatlhambutelani xikari ka matiko, muba nyiwo, mu yimisa a bandera. Mu nga fihli nchumu, va byeleni, muku: Babuloni i hlulilwe, Beli i wisilwe tingana, Merodake i khungumulwe; a zifananiso zakwe zi chelilwe tingana, a vanungungulu vakwe va khungumulwe.

Jeremia 50:2 교차 참조

Tisimu 64:9

A vanhu vontlhe va ta chava, Va ta tlhatlhambutela mitiro ya Nungungulu, Va alakanya lezi a zi tirileko.

Tisimu 96:3

Tlhatlhambutelani a wudzunzo gakwe xikari ka matiko, Ni mitiro yakwe yi hlamalisako xikari ka vanhu vontlhe.

Tisimu 97:7

Ngha va wiswa tingana lava va khozelako zifananiso, Lava va ti kulisako hi vanungungulu va mawunwa. Mu khizameleni nwina vanungungulu nwentlhe! Ekso. 20:3; Maheb. 1:6

Isaya 12:4

A ka siku lego mu taku: Khesani Jehova, mu khongela vito gakwe; Tlhatihambutelani a zimaho zakwe matikweni, Va tiviseni lezaku vito gakwe gi kulisilwe.

Isaya 13:2

Yimisani a nghapa hehla ka xitsunga xa libalala, Kanyulukani, va khweneteni hi canja, Kasi va fela ku enghena hi tinyangwa ta vahombe.

Isaya 21:9

Hi nga wona, wata muboko wa vavanuna, ni mipatswa ya vakhileli va mahaxi. A engeta, aku: Gi wile, a Babuloni gi wile; Zontlhe zifananiso za vanungungulu va gona zi khungumulelwa. Jer. 51:8; Kuv. 14:8; 18:2

Isaya 37:19

Ti hisile a vanungungulu va wona hi nzilo, hakuva va wa nga hi vanungungulu, yi wa hi mitiro ya mandla ya vanhu, ya tisinya ni maribye. Hikwalaho ti zi khungumulela.

Isaya 39:1

A ka xikhati lexo Merodak-baladani, a nʼwana Baladani, a hosi ya le Babuloni, i lo rumela a papilo ni zinyikiwo ka Hezekia, hakuva i wa zwile lezaku i wa babya, niku i kalamukile. 2 Tih. 20:12; 2 Kro. 32:23, 31

Isaya 46:1

Beli i vumbamile, Nebo wa korama, A zifananiso zabye zi rwaliwa hi zifuyo ni tihomu; Lezi mu nga zi rwala zi pakelwa ka zihari zi kareleko.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 48:6

U wa zi zwile, languta zi tatisekile! Xana a mu vumeli ku kustumunya ha zona ke? Makunu nza ku tivisa a zilo ziswa, A zilo zi fihlilweko, lezi u nga kala u nga zi tivi.

Jeremia 10:11

Mu ta va byelisa lezi, muku: A vanungungulu lava va nga vangangiko a tilo ni misava va ta nwalala tikweni ni lahasi ka tilo.

Jeremia 10:15

Zona a zi nyawuli, mitiro ya wu khohlisi; A xikhatini xa kutsayiswa zi ta lova.

Jeremia 31:10

Ingisani a mhaka ya Jehova, nwina matiko, Tiyisani a zihlale za le kule ha yona, muku; Loyi a hangalasileko Israeli i ta mu hlengeleta, A mu hlayisa kota murisi a risako ntlhambi wakwe.

Jeremia 4:16

Byelani matiko, mu tivisa Jerusalema, Lezaku a vavimbezeli vata hi le tikweni ga le kule, Va huwelela hi magezu yabye a ku vukela a miti ya ka Juda.

Jeremia 4:6

Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

Jeremia 46:14

Tiyisani le Gipite, mu zi tlhatlhambutela le Migdole, Mu tlhatlhambutela le Nofe ni le Tahpanhesi, Muku: Yima u ti longisela, Hakuva a supado yi gile lava va ku ranzelekeleko.

Jeremia 50:46

A misava ya rurumela hi guwa ga kuhlulwa ka Babuloni, ni nkosi wa zwala matikweni wontihe.

Jeremia 51:12

Yimiselani a makhurisi ya Babuloni a bandera, tiyisani varinzeli, mu veka varinzeli ni ku longisa a zijumani; hakuva Jehova i mahile xikungo, a tira lezi a nga zi wula hi vaaki va le Babuloni.

Jeremia 51:27

Yimisani a bandera lomu tikweni, muba mpunzu xikari ka matiko; hlomisani a matiko ma mu vukela, tsombanyisani a mifumo ya Ararate, Minni, Axkenaze, mu yimisa a tinduna ta yimpi kulwa naye; mahani mahaxi ma kanziha ma mu talela kukotisa humbi.

Jeremia 51:31

A tsukano munwe wu ta tsutsuma wu tlhangaveta munwani, ni ntsumi munwe wu ta tlhangaveta munwani, na va ya byela a hosi ya le Babuloni lezaku a muti wakwe wu engheniwile matlhelo wontihe.

Jeremia 51:44

Nzi ta tsayisa Beli le Babuloni, Nzi humesa nonwini wakwe zo ntlhe lezi a zi mitileko. A matiko ma nga ta ha hlengeletana ka yena kambe; Ina, a khurisi ga Babuloni gi ta khungumuka.

Jeremia 51:47

Hikwalaho mata a masiku lawa nzi ta nga tsayisa ha wona a zifananiso za Babuloni, a tiko gakwe gontlhe gi ta chelwa tingana, ni vontlhe vanhu vakwe va delweko va ta wela xikari kakwe.

Jeremia 51:52

Hikwalaho, a masiku mata, ku wula Jehova, lawa nzi ta nga tsayisa ha wona a zifananiso zakwe, kala lava va tlhabyilweko va ta keta lomu tikweni gakwe gontlhe.

Jeremia 51:8

Babuloni i wile hi xitshuketi a lobyiswa. Mu: rileleni, mu mu nehela a muri wa kubayiseka kakwe, kutani i ta hanya. Isa. 21:9; Kuv. 14:8; 18:2

Jeremia 52:31

Hi lembe ga 37 ga wukhumbi ga Jehoiakinu a hosi ya ka Juda, hi hweti ya 12, hi siku ga 25 ga hweti. Evil-merodake a hosi ya le Babuloni, i lo mu tsetselela, a mu humesa lomu paxweni.

Jeremia 6:18

Hikwalaho, nwina vamatiko, ingisani; na wena hlengeletano, tiva lezi zi va humelelako!

Danieli 1:2

A Hosi yi lo nyikela Jehoiakimu a hosi ya ka Juda mandleni yakwe, ni zibya zinwani za yindlu ya Nungungulu. Nebukadnezzare i lo famba nazo tikweni ga Xinari, a zi enghenisa ndlwini ya nungungulu wakwe, a zi veka lomu bakweni ga nungungulu wakwe.

Danieli 3:14

Nebukadnezzare aku kabye: Hi nga nzi byelani, Xadrake, na Mexake, na Abed-nego, mo maha ha womu a ku kala mu nga khozeli a vanungungulu va mina, ni ku kala mu nga khizameli a xifananiso xa nzalama lexi nzi nga xi yimisa ke?

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39