10 Hakuva i siku ga Hosi, Jehova wa tiyimpi, A siku ga ku photela, a ti photela valala vakwe. A supado yi taga yi xura, yi tlhela yi popiwa hi nkhata wabye. Hakuva Hosi Jehova wa tiyimpi i na ni muphahlelo tikweni ga le Nwalungu Le congweni wa Eufrate.
A hosi ya Gipite a ya ha engetangi yi huma lomu tikweni ga yona, hakuva a hosi ya le Babuloni yi wa tekile tiko gontlhe legi gi nga wa hi ga hosi ya le Gipite, kusukela xicongwaneni xa le Gipite kala le Congweni wa Eufrate.
Hakuva gi tava kona a siku ga Jehova wa tiyimpi, ga ku tsongahata ha gona laʼva matshanza ni laʼva ti kukumukisako, ni wihi loyi a tlakusilweko i ta reletwa. Isa. 40:4
Zonake Assiria i ta wiswa hi supado leʼyi nga hiko ya munhu; ni supado leʼyi nga hiko ya vanhu yi ta mu lovisa. I ta tsutsuma mahlweni ka supado, ni majaha yakwe ma ta mahiwa tikhumbi.
Ni ku tlhatlhambutela a lembe ga tipswalo ta Jehova, Ni siku ga ku ti photela ka Nungungulu wa hina: A ku chavelela vontlhe lava va rilako; Mat. 5:4; Lu. 6:21
A vahahluli va tile le zitsungeni zontlhe za xiwula, Hakuva a supado ya Jehova yi khadamula ku sukela magumo kala magumo manwani ya tiko; A ku na munhu ni munwe a tova ni kurula.
Tiyisani le Gipite, mu zi tlhatlhambutela le Migdole, Mu tlhatlhambutela le Nofe ni le Tahpanhesi, Muku: Yima u ti longisela, Hakuva a supado yi gile lava va ku ranzelekeleko.
Xungetano ni Gipite, hi yimpi ya Faro-Neko a hosi ya Gipite, leyi yi nga hi kusuhani ni congo wa Eufrate le Karkemixe, leyi Nebukadrezzare a hosi ya le Babuloni a nga yi hlula hi lembe ga wumune ga kufuma ka Jehoiakimu a nʼwana Josia, hosi ya ka Juda. 2 Tih. 24:7; Isa. 19:1; Ezek. 29:2
Kanyulukani, mu mu ranzela matlhelo wontihe. I tlakusile mawoko; a makhokhola yakwe ma wile, a makhurisi yakwe ma khungumukile! Loko hi ku ti photela ka Jehova! ti photeleni kakwe; lezi a nga maha ka nwina, mahaniwo zalezo kakwe.
Hikwalaho Jehova wa tiyimpi, a Nungungulu wa Israeli i ngalo: Nzi ta tsayisa a hosi ya le Babuloni ni tiko ga yona, khwatsi hilezi nzi nga tsayisisa zona a hosi ya le Assiria.
Humani Babuloni mu tsutsuma, a munwe ni munwani a ponise wutomi gakwe, kasi mu nga lobyiswi hi kota ya xigoho xakwe; hakuva hi xona a xikhati xa kuphota ka Jehova, i ta muha a nchachazelo wakwe. Isa. 34:8; Kuv. 18:4, 6
Wena nʼwana wa munhu, profeta uku: Hosi Jehova wa wulawula xungetano ni vana va ka Amoni, ni xungetano ni xiruko zabye. Wula uku: A supado, a supado yi hlomulwe, yi kutlilwe kasi ku hihirita, kasi ya kwezima.
Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9
A kareta leyi yi kokiwako hi mahaxi ya ntima yi famba tikweni ga Nwalungu, lawa yo basa ma lanzela hi lenzhako; lawa ya matlhakatlhaka ma loya tikweni ga le Dzongeni.
Nzi ta nwisa tigalala ta mina hi nkhata, Ni tlhari ga mina gi ta xura hi nyama, Hi nkhata wa lava va tlhabyilweko ni wa va khomilweko, Ni tihloko ta tihosi ta valala.
