20 Hakuva mu ti kanganyisile; hakuva mu nzi rumile ka Jehova a Nungungulu wa nwina, muku: Hi kombelele ka Jehova a Nungungulu wa hina, ni zihi lezi Jehova a Nungungulu wa hina a ta nga zi wula, hi byele hi ta zi maha.
Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23
Hambu ka zontlhe lezo, Juda, a makabye wakwe loyi a nga tsumbekangiko, a nga wuyangi ka mina hi mbilu yakwe yontlhe, kanilezi hi wukhohlisi, ku wula Jehova.
Hosi Zedekia i, lo ruma Jehukali nʼwana Xelemia, na Zefania nʼwana Maaseya a mupristi, a ka Jeremia, aku: Hi kombelele makunu ka Jehova a Nungungulu wa hina.
Zonake hosi Zedekia a va ruma a ku ya vitana muprofeti Jeremia a mu vitanela a nyangweni ya wunharu ya yindlu ya Jehova. A hosi yiku ka Jeremia: Nza ha ku wutisa mhaka, u nga nzi fihleli nchumu.
va loya ka muprofeti Jeremia, va yaku kakwe: Ha ku kombela lezaku u amukela a xikombelo xa hina, xa kuva u hi kombelela ka Jehova a Nungungulu wa wena, hina hontlhe hi seleko; hakuva hi vatsongwani hi seleko khwatsi hilezi u zi wonako hi mahlo ya wena;
Vaku ka Jeremia: Ngha Jehova ava mboni ya zinene yi tsumbekileko, loku hi nga mahi zontlhe lezi Jehova a Nungungulu wa wena a ta nga ku ruma ku ta hi byela zona. Ekso. 19:8; 24:3, 7
Azaria a nʼwana Hoxaia na Johannani a nʼwana Karea, ni vanhu vontlhe va matshanza va lo byela Jeremia, vaku: Wa hemba wunwa! Jehova Nungungulu wa hina a nga ku rumangi ku ta hi byela, uku: Mu ngayi Gipite mu ya luvela kona.
Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.
A zibya lezi a vanhu va onhileko mihefemulo yabye ha zona zi ta tlombiwa zi maha ziphambati za ku lemela a alati ha zona; hakuva zona zi nyikelwe mahlweni ka Jehova, na zona zi basile; zi tava xialakanyiso ka vanana va ka Israeli.
