hosi Zedekia i lo rumisa a ku ya mu humesa, zonake hosi yi lo mu vitana ndlwini ya yona xihundleni, yiku: Xana gi ngava kona a gezu hi ka Jehova ke? Jeremia a hlamula, aku: Gi kona. A engeta aku; Wena u ta nyikelwa a canjeni ga hosi ya Babuloni.
A vasati va wena vontlhe ni vana va wena va ta yisiwa ka maKaldea, na wena u nga ta huluka a canjeni gabye, kanilezi u ta khomiwa hi canja ga hosi ya Babuloni; ni muti lowu wu ta hiswa hi nzilo hi kota ya wena.
Kanilezi loku tihosana tizwa lezaku u wulawulile na mina, vata ka wena, vaku: Hi byele lezi u nga xuxa ni hosi, loku u nga hi fihleli nchumu hi nga ta ku daya; hi tivise ni lezi hosi yi ku byelileko.
