Jeremia 36:32 - Tshwa Bible

³² Zonake Jeremia i lo teka ginwani bhuku, a gi nyika ka Baruke nʼwana Neria, a mutsali; a wihi a nga tsala ka gona hi nomu wa Jeremia tontlhe a timhaka ta bhuku lego gi nga hisiwa hi Jehoiakimu hosi ya ka Juda; kambe ku lo engetelwa a timhaka tinyingi to fanana nato.

Jeremia 36:32 교차 참조

Eksodusi 34:1

Zonake Jehova aku ka Mosi: Vatla timbila timbiri ta maribye yo fanana ni laya yo ranga, kasi nza fela ku tsala ka wona a timhaka leti ti nga wa hi ka maribye yo sangula, laya u nga ma faya.

Jeremia 36:18

Baruke i lo va hlamula, aku: I nzi byelile wontihe lawa magezu hi nomu wakwe, nzi ma tsala bhukwini hi tinta.

Jeremia 36:23

Kute loku Jehudi a gonzile tinzima tinharu hambu mune, a hosi yi lo tsema a bhuku hi mukwana a gi hoxa nzilweni wu nga lomo ka mbawula, kala gontlhe a bhuku giku bhi laha nzilweni wu nga lomu ka mbawula.

Jeremia 36:4

Zonake Jeremia i lo vitana Baruke nʼwana Neria, na Baruke i lo tsala bhukwini hi nomu wa Jeremia, a magezu wontihe ya Jehova lawo a nga ma wulile kakwe.

Danieli 3:19

Zonake Nebukadnezzare i lo zangara nguvu, a nghohe yakwe yi visukela Xadrake na Mexake na Abed-nego. I lo rumisa lezaku a nzhimbo va wu hisisa ku hunza tolovelo ya wona hi ntlhanu wa zikhati ni zimbiri.

Danieli 7:1

Hi lembe go sangula ga kufuma ka Belxazzare a hosi ya Babuloni. Danieli na hi sangweni gakwe i lo lora na wona miwoniso. Zonake i lo tsala a noro wa kona, a hlawutela a tihloko ta wona.

Levi 26:18

Ni loku mu nga nzi ingisi ni lezi, nzi ta mu tsayisa hi ku wuyeta ntlhanu wa makhati ni mambiri hi kota ya zionho za nwina.

Levi 26:21

Loku mu hambana na mina, mu nga nzi ingisi, nzi ta engeta nzi rumela makhombo hi ku wuyeta ntlhanu wa makhati ni mambiri, ku kheta hi zionho za nwina.

Levi 26:24

minawu nzi ta hambana na nwina, nzi mu tsayisa hi ku wuyeta ntlhanu wa makhati ni mambiri hi kota ya zionho za nwina.

Levi 26:28

zonake nzi ta mu vukela hi zanga, nzi mu tsayisa kambe ntlhanu wa makhati ni mambiri hi kota ya zionho za nwina.

Va le Roma 16:22

Mina Tertiusi, a mutsali wa legi papilo, nza mu rungula Hosini.

Kuvululelwa 22:18

Nza tiyisa ka munwe ni munwani loyi a zwako a timhaka ta kuprofeta ka bhuku legi, nziku: Loku munhu a ti engetela, Nungungulu i ta mu engetela a zixaniso lezi zi tsalilweko bhukwini legi. Deut. 4:2; Mat. 30:6