Jeremia 35:6 - Tshwa Bible

⁶ Kanilezi va lo hlamula vaku: A hinwi vinya, hakuva Jonadaba nʼwana Rekabe, a dadani wa hina, i hi layile, aku: Mu nga dzuki munwa a vinya, nwina ni vana va nwina kala kupinzuka. 2 Tih. 10:15

Jeremia 35:6 교차 참조

Genesisi 25:27

Ni vafana va lo kula: Esau i wa hi munhu a nga wa tiva ku hlota, a hi munhu wa khwati; Jakobe i wa hi munhu wa kurula, a tshama matendeni.

Genesisi 36:7

Hakuva a zifuyo zabye zi wa tele nguvu, laha kaku a tiko lego va nga wa akile ka gona gi wa nga va enelisi hi kota ya mitlhambi yabye.

2 Tihosi 10:15

A xikhati a nga suka hi laho, i lo tlhangana na Jehonadaba nʼwana Rekaba loyi a nga wata ku mu khinga. I lo mu losa aku kakwe: A mbilu ya wena ya xalala ha mina khwatsi hi mbilu ya mina yi xalalako ha wena ke? Jehonadaba i lo hlamula, aku: Ina, ya xalala! Jehu aku: Loku yi xalala, a hi khomane mandla! Va lo khomana mandla, zonake Jehu i lo mu kanzihisa kareteni yakwe. Jer. 35:6

2 Tihosi 10:23

Jehu i lo enghena lomu ndlwini ya Baali na Jehonadaba nʼwana Rekaba, aku ka malanza ya Baali: Langutisisani khwatsi, ku nga dzuki kuva kona lomu lava va nga malanza ya Jehova; ku laveka ntsena lava va khozelako Baali.

1 Kronekele 16:19

Laha nwina ma ba hiko vatsongwani, Na mu hi valuveli lomu tikweni;

1 Kronekele 2:55

A mingango ya vatsali lava va nga wa tshama le Jabeza: hi va ka Tirate, ni va ka Ximeate, ni va ka Sukate. Lava hi vaKeni lava va ngata hi le ka Hamate, a raru wa yindlu ya Rekabe. Vala. 1:16; Jer. 35:2

Tisimu 105:12

Va wa nga se ku tala, Futsi, va wa hi vatsongwani, va hi tinzhuveti tikweni,

Eksodusi 20:12

Chava raru wa wena ni nyine wa wena, kasi a masiku ya wena ma ta engetelwa tikweni legi u nyikilweko hi Jehova, Nungungulu wa wena. Mat. 15:4; Mar. 7:10; Efe. 6:2

Jeremia 35:10

Kanilezi hi tshamile matendeni, hi ingisa ni ku maha zontlhe lezo Jonadaba, a dadani wa hina, a hi layileko zona.

Jeremia 35:14

A timhaka ta Jonadaba nʼwana Rekabe, leti a layileko vana vakwe lezaku va nganwi vinya, va ti hlayisile; a va nwangi kala nyamutlha lezi, hakuva va ingisile a nayo wa raru wabye. Mina nzi wa sina nzi mu byelile kambe ni kambe, kanilezi a mu nzi ingisangi.

Levi 10:9

U nganwi a vinya ni byala, wena ni vana va wena, loku mu ta enghena lomu ka tabemakeli ga mutlhangano, mu ngafa. Lowu i nayo wa kala kupinzuka, wa zizukulwana zontlhe. Ezek. 44:21; 1 Tim. 3:3; Tit. 1:7

Luka 1:15

hakuva i tava wa hombe mahlweni ka Hosi. A nga tanwa a vinya ni byala, kanilezi i ta tala hi Moya wa ku Basa kusukela na hi lomo rumbyini ga nyine wakwe. Mitse. 6:3; Jer. 1:5; Gal. 1:15

1 Pedro 2:11

Varanzekako, nza mu khongotela kota lezi mu nga valuveli ni vaenzi, lezaku mu tsika a kumbilukela ka nyama, loku ku lwako ni muhefemulo;

Valamuli 13:14

A ngagi a xilo xi humako hi ka vina, a nganwi vinya hambu byala; kambe a ngagi a xilo xi nga hlazekangiko. A hlayise zontlhe lezi nzi mu leleteleko zona.

Valamuli 13:7

Kanilezi yena i te ngalo ka mina: U ta xura nyimba, u pswala nisanyana. Makunu u nganwi vinya, hambu byala. Ni kambe u ngagi a zilo zi nga hlazekangiko, hakuva a nwanana i ta maha muNazirita wa Nungungulu kusukela rumbyini ga nyine wakwe, kala afa.