Jeremia 35:17 - Tshwa Bible

¹⁷ hikwalaho Jehova, a Nungungulu wa tiyimpi, i ngalo: Languta, nzi ta neha hehla ka Juda ni ka vontlhe a vaaki va Jerusalema, gontlhe a khombo nzi gi wulileko ha vona. Hakuva nzi wulawulile kabye, kanilezi a va nzi ingisangi; nzi va vitanile, kanilezi a va hlamulangi.

Jeremia 35:17 교차 참조

Genesisi 6:17

Hakuva nzi ta neha a ntalo wa mati misaveni; kasi wu ta lovisa a nyama yontlhe yi nga ni muhefemulo wu hanyako, yi nga laʼhasi ka tilo; zontlhelele zi nga laha misaveni zi tafa.

Mavingu 13:13

Loyi a kanyisako a mhaka i ti nehela lobyiswa; anilezi loyi a khatalelako zileletelo i ta chachazelwa. 1 Sam. 2:30; Joh. 12:48

Mavingu 16:2

Tontlhe tindlela ta munhu ti basile kuwoneni ka yena nwinyi; anilezi Jehova i pima a mimoya.

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Isaya 65:12

Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Isaya 66:4

Hizalezo mina nzi ta ranza ku va nehela makhombo, Nzi ta tisa hehla kabye lezi va zi chavako; Hakuva laha nzi nga vitana a nga kona a nga vumela, Ni laha nzi nga wulawula a nga kona a nga ingisa; Kanilezi va mahile kubiha mahlweni ka mina, Va ranza lezi zi nga nzi tsakisiko.

Jeremia 11:11

Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. Mav. 1:28; Isa. 1:15

Jeremia 11:8

Kanilezi a va ingisangi, hambu ku phuhunha ndleve yabye. Munwe ni munwani i na si hutsetse a njhenjhereka hi kunonoha ka mbilu yakwe yo biha. Hikwalaho nzi nehile hehla kabye a timhaka tontlhe ta lexi xivumelwano, lexi nzi va layileko a ku xi hlayisa, kanilezi a va xi hlayisangi.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 19:3

Uku: Zwanani a mhaka ya Jehova, nwina tihosi ta Juda, na nwina vaaki va Jerusalema; Jehova wa tiyimpi, a Nungungulu wa ka Israeli i ngalo: Langutani, nzi ta neha khombo wutshanwini legi, lego kani hi mani a to gizwa a tindleve takwe ti ta tinga. 1 Sam. 3:11; 2 Tih. 21:12

Jeremia 26:5

kasi ku ingisa a timhaka ta malanza ya mina a vaprofeti, lava nzi va rumeleko ka nwina, na ga hi mixo nzi va rumela, kanilezi nwina a mu ingisangi;

Jeremia 32:33

Va nzi fularele, a va nzi langutangi; hambu lezi nzi nga va gonzisa kambe ni kambe, a va ingisangi lezaku va kawukiwa.

Jeremia 36:31

Nzi ta mu tsayisa yena ni pswalo wakwe ni malanza yakwe, hi kota ya kubiha kabye; nzi ta neha hehla kabye ni hehla ka vaaki va Jerusalema ni hehla ka vanhu va ka Juda, a makhombo wontihe lawa nzi wulileko hehla kabye, kanilezi a va ingisangi.

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Va le Roma 10:21

Kanilezi hi tlhelo ga Israeli i ngalo: Gontlhelele siku nzi nawulutile a mandla ya mina ka vanhu va nga ingisiko, lava va kanetako;