Jeremia 35:15 - Tshwa Bible

¹⁵ Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 35:15 교차 참조

Eksodusi 20:3

U nga ta kuva ni vanwani vanungungulu mahlweni ka mina.

Jeremia 11:8

Kanilezi a va ingisangi, hambu ku phuhunha ndleve yabye. Munwe ni munwani i na si hutsetse a njhenjhereka hi kunonoha ka mbilu yakwe yo biha. Hikwalaho nzi nehile hehla kabye a timhaka tontlhe ta lexi xivumelwano, lexi nzi va layileko a ku xi hlayisa, kanilezi a va xi hlayisangi.

Jeremia 13:10

A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.

Jeremia 18:11

Hikwalaho byela vavanuna va ka Juda ni vaaki va Jerusalema, uku: Jehova i ngalo: Mina nza mu longisela a khombo, nzi maha xikungo xo mu vukela. Hikwalaho hunzulukani munwe ni munwani a ndleleni yakwe yo biha, mu chukhwatisa a mahanyela ya nwina ni zimaho za nwina. 2 Tih. 17:13

Jeremia 22:4

Hakuva loku mu ingisa mhaka leyi, zonake ku ta engheniwa hi tinyangwa ta yindlu leyi a tihosi ti tshamileko a xitshanwini xa wuhosi xa Davida, na ti khilele a tikareta ni mahaxi, zinwe ni malanza ya tona ni vanhu va tona.

Jeremia 23:22

Loku va wa yimile hubyeni ya mina, ngha va tivisile a vanhu va mina a timhaka ta mina, va va hunzulusa ndleleni yabye yo biha, ni ka zimaho zabye zo biha.

Jeremia 25:4

Kambe Jehova i rumele ka nwina a malanza yakwe wontihe hi kusimamisilweko, va nga vaprofeti; kanilezi nwina a mu ingisangi hambu aku phuhunha tindleve kasi kuzwa. 2 Tih. 17:13

Jeremia 26:13

Hikwalaho sasisani makunu a mahanyela ya nwina ni zimaho za nwina, mu ingisa a gezu ga Jehova a Nungungulu wa nwina, zonake Jehova i ta hunzuluka ka khombo legi a gi wulileko ha nwina.

Jeremia 26:5

kasi ku ingisa a timhaka ta malanza ya mina a vaprofeti, lava nzi va rumeleko ka nwina, na ga hi mixo nzi va rumela, kanilezi nwina a mu ingisangi;

Jeremia 29:19

hakuva a va ingisangi a timhaka ta mina, ku wula Jehova, laha nzi nga va rumela a malanza ya mina vaprofeti hi kusimamisilweko. Kanilezi a mu zwangi, ku wula Jehova.

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 32:33

Va nzi fularele, a va nzi langutangi; hambu lezi nzi nga va gonzisa kambe ni kambe, a va ingisangi lezaku va kawukiwa.

Jeremia 34:14

nziku: A kumbheleni ka ntlhanu wa malembe ni mambiri a munwe ni munwani i ta tlhatlha muHeberu-kulobye loyi a ti xavisileko ka nwina; i ta ku tirela a ntlhanu wa malembe ni ginwe, zonake u ta mu tsika a tlhatlheka; kanilezi a vakoko va nwina a va nzi ingisangi, hambu ni ku panga tindleve. Ekso. 21:2; Levi 25:39; Deut. 15:12

Jeremia 36:3

Kutani a va ka Juda va ta ingisa a kubiha kontlhe loku nzi xuvako ku va mahela; lezaku munwe ni munwani a hunzuluka ndleleni yakwe yo biha, nzi mu tsetselela a kubiha kakwe ni xionho xakwe.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

Deuteronome 30:20

u ranza Jehova Nungungulu wa wena, u ingisa a gezu gakwe, u namarela ka yena; hakuva yena mbutomi ga wena ni kuanza ka masiku ya wena, kasi wena wa fela ku tshama ka tiko legi Jehova a hlambanyileko ka vararu va wena, Abrahama, na Isaka, na Jakobe, a ku va nyika gona.

Deuteronome 6:14

Mu nga dzuki mu lanzela vanwani vanungungulu, lava va nga xikari ka vanungungulu va matiko lawa ma mu ranzeleko.

1 Va le Tesalonika 4:8

Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24