Jeremia 34:7 - Tshwa Bible

⁷ laha a yimpi ya hosi ya Babuloni yi ngalwa ni Jerusalema ni yontlhe a miti ya ka Juda leyi yi nga sele, yi nga Lakixe na Azeka, hakuva hi yona yoce a miti ya makhokhola leyo yi yi nga sele xikari ka miti ya ka Juda.

Jeremia 34:7 교차 참조

2 Tihosi 14:19

Va lo mu hleva va mu vukela le Jerusalema, a tsutsuma aya le Lakixe; va lo mu lanza kwaleyo Lakixe va ya mu dayela kona.

2 Tihosi 19:8

Zinghaho laha Rabxeka a nga tlhela, i lo ya kuma a hosi ya le Asiria na yi kari yilwa na Libna, hakuva i wa zwile lezaku i sukile Lakixe.

2 Kronekele 27:4

Ni kambe i lo aka a miti le xitsungeni xa ka Juda, a aka ni tiyindlu ta wuhosi ni makhokhola lomu makhwatini.

Isaya 36:2

Zonake a hosi ya le Assiria yi lo rumela Rabxake hi le Lakixe, a kuya Jerusalema ka hosi Hezekia, na hi ni yimpi ya hombe. Yena i lo yima hi laha nongeni wa tiva ga lehehla, le gonzweni kusuhani ni Simu ga Vahlazi.

Jeremia 11:12

Zonake a miti ya ka Juda ni vaaki va Jerusalema, va ta ya rila ka vanungungulu lava va nga va hisela libani, kanilezi cima, va nga ta va ponisa a sikwini ga khombo gabye.

Jeremia 34:1

A mhaka leyi yi tileko ka Jeremia hi ka Jehova, laha Nebukadnezzare hosi ya Babuloni ni yontlhe a yimpi yakwe, ni yontlhe a mifumo ya misava leyi yi nga fumiwa hi yena, ni matiko wontihe va ngalwa va vukela Jerusalema ni yontlhe a miti ya gona, 2 Tih. 25:1

Jeremia 4:5

Byelani Juda, muba hungu le Jerusalema, muku: Banani mipunzu lomu tikweni, mu kanyuluka muku: Tsombanani, mu tsutsumela a mitini ya makhokhola.

Jeremia 8:14

Hikuyini ha ha tshamako laha ke? Tsombanani, hi ya enghena mitini ya makhokhola, Hi yafa kona; Hakuva Jehova a Nungungulu wa hina I lava ku hi lobyisa, Wa hi nwisa wutsulu, hakuva hi onhele Jehova.

Mika 1:13

Wena muaki wa le Lakixe, panisa a mahaxi ya mazambo laha kareteni, hakuva hi wena a masangulo ya xionho xa nhanyana wa le Zioni, a zihambunyeto za Israeli zi kumilwe ka wena. Jox. 15:39; 2 Tih. 19:8

Deuteronome 28:52

Na vona va ta ku vimbezela lomu mitini ya wena yontlhe, kala kuwa lahasi wontihe a makhokhola lawa ma gingisilweko hi ntamu, walawo u ma tsumbako lomu tikweni ga wena gontlhe. Va ta ku hlasela lomu mitini ya wena yontlhe, lomu ka tiko legi Jehova Nungungulu wa wena a nga ku nyika gona.

Joxua 10:3

Hikwalaho Adoni-Zedeki, a hosi ya le Jerusalema, i lo rumela ka Hohamu, a hosi ya le Hebroni, ni ka Hiramu, a hosi ya le Jarmute, ni ka Jafia, a hosi ya le Lakixe, ni ka Debira, a hosi ya le Egloni, aku ka vona:

Joxua 10:5

Zonake tihosi leto ta ntlhanu ta vaAmori a hosi ya le Jerusalema, ni hosi ya le Hebroni, ni hosi ya le Jarmute, ni hosi ya le Lakixe, ni hosi ya le Egloni, ti lo tlhangana ti famba zinwe ni tiyimpi tabye tontlhe, tiya gova mahlweni ka Gibeoni tilwa nawo,

Joxua 12:11

hosi ya le Jarmuta, yinwe; hosi ya le Lakixe, yinwe;

Joxua 15:35

ni Jarmute, ni Adulama, ni Soko, ni Azeka;

Joxua 15:39

Lakixa, ni Bozkate, ni Egloni;