Jeremia 31:33 - Tshwa Bible

³³ Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Jeremia 31:33 교차 참조

2 Samueli 7:24

Wena u ti yimisele a vanhu va wena va ka Israeli a kuva va wena kala kupinzuka; hikwalaho wena Jehova u mahile Nungungulu wabye.

1 Tihosi 8:58

ngha yena a kokela kakwe a timbilu ta hina, kasi hina hi fela ku famba hi tontlhe tindlela ta yena, hi hlayisa yontlhe milayo yakwe, ni zontlhe ziyimiso zakwe, ni zontlhe zileletelo zakwe, lezi yena a leleteleko vararu va hina!

Tisimu 37:31

A nayo wa Nungungulu wakwe wu lomu mbilwini yakwe, A mikonzo yakwe a yi retemuki.

Tisimu 40:8

Nungungulu wa mina, nza nengela ku maha kuranza ka wena; A nawo wa wena wu lomu mbilwini ya mina.

Tisimu 40:9

Nzi bile hungu hi kululama lomu hlengeletanweni wa hombe; A nzi valangi nomu wa mina, Jehova, wena hi wena u zi tivako.

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Mavingu 7:3

Zi bohe titihweni ta wena, zi tsala hehla ka mbilu ya wena. Ekso. 13:16; Deut. 6:8

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Jeremia 17:1

A xionho xa Juda xi tsalilwe hi pena ya xiketse, yi nga ni muzwa wa daimani; xi kehlelwe timbilwini tabye, ni lomu ka timhonzo ta maganzelo ya nwina,

Jeremia 24:7

Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Jeremia 30:22

Nwina mu tava vanhu va mina, Na mina nzi tava Nungungulu wa nwina.

Jeremia 31:1

A xikhatini lexo, ku wula Jehova, nzi tava Nungungulu wa tontlhe tixaka ta ka Israeli, vona va tava vanhu va mina.

Jeremia 32:38

Vona va tava vanhu va mina, na mina nzi tava Nungungulu wabye.

Jeremia 32:39

Nzi ta vaha mbilu yinwe nzi va gonzisa ndlela yinwe, ya ku nzi chava kala kupinzuka; va ta kateka, vona ni vana vabye anzhako kabye,

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Ezekieli 37:27

Ni wuakelo ga mina gi tava xikari kabye; nzi tava Nungungulu wabye, na vona va tava vanhu va mina. Levi 26:11; 2 Kor. 6:16; Kuv. 21:3

Hosea 2:20

Nzi ta ku teka hi kutsumbeka, na wena u ta tiva Jehova.

Zefania 3:13

A misalela ya ka Israeli yi nga ta ha goha, yi nga ta hemba mawunwa, ge hambu lirimi la ku khohlisa li nga ta kuva kona milonwini yabye. Hakuva va taga, va etlela hi kurula, a nga hi kona a va dzuxako. Joba 11:19; 1 Joh. 5:18

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Johani 20:17

Jesu aku ngalo kakwe: U nga nzi khumbi; hakuva a nzi se ku kanziha a kuya ka Dadani; kanilezi famba ka vanakulori, u yaku ka vona: Nza kanziha ka Dadani wa mina ni Dadani wa nwina, a Nungungulu wa mina ni Nungungulu wa nwina. Tis. 22:22; Mat. 28:10; Rom. 8:29; Maheb. 2:11; Xip. 16:28

Va le Roma 11:27

Lexi xi tava xivumelwano xa mina zinwe navo, Laha nzi ta nga susa a zionho zabye. Jer. 31:31; Maheb. 8:8

Va le Roma 7:22

Hakuva nza tsakela a nayo wa Nungungulu hi munhu loyi a nga xikari ka mina. Tis. 1:2; 2 Kor. 4:16

2 Va le Korinte 3:3

Hakuva za su dlunya lezaku nwina mu papilo ga Kristu, legi gi tsalilweko hi hina, na mu nga tsaliwangi hi tinta, kanilezi hi Moya wa Nungungulu loyi a hanyako; a mu tsaliwangi timbiteni ta maribye, kanilezi timbileni ta nyama, ti nga timbilu ta vanhu. Ekso. 24:12; Tis. 40:8; Ezek. 11:19; 1 Kor. 3:5

Deuteronome 30:6

Na Jehova Nungungulu wa wena i ta enghenisa wukwera a mbilu ya wena, ni timbilu ta zizukulwana za wena, kasi wena wa fela ku ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, kasi wa fela ku hanya. Jer. 4:4; Ezek. 11:19; Rom. 2:29; Fil. 3:3

1 Va le Tesalonika 4:9

Xungetano ni ku ranza vamakabye a zi laveki lezaku nzi mu tsalela ha kona; hakuva nwina wutsumbu mu gonzisilwe hi Nungungulu a kuva mu ranzana, Jer. 31:34; Joh. 6:45; 13:34; 1 Joh. 2:20

Maheberu 10:16

Lexi hi xivumelwano nzi to xi maha na vona anzhako ka lawo masiku, ku wula Hosi; Nzi ta veka milayo ya mina timbilwini tabye, Nzi yi tsala kambe kupimeni kabye. Jer. 31:33

Maheberu 8:10

Hakuva lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Hosi: Nzi ta veka milayo ya mina kupimeni kabye, Nzi yi tsala timbilwini tabye; Nzi tava Nungungulu wabye, Na vona va tava vanhu va mina. Zak. 8:8; Xip. 10:16

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16

Kuvululelwa 21:7

Loyi a hlulako i taga a tshomba ya lezi zilo; nzi tava Nungungulu wakwe, yena i tava nwananga. Maheb. 8:10