Jeremia 31:32 - Tshwa Bible

³² Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; A xivumelwano lexi va nga xi tshova, Kasi lezo nzi wa hi nwinyi wabye, ku wula Jehova.

Jeremia 31:32 교차 참조

1 Tihosi 8:9

Ku wa nga hi na nchumu lomu ka arke, saseka timbila timbiri ta maribye leti Mosi a nga wa vekile lomo na va ha hi le Horebe, laha Jehova a nga maha xivumelwano zinwe ni vanana va ka Israeli xikhatini lexo va nga wa huma hi le tikweni ga Gipite. Ekso. 25:16, 21; Maheb. 9:4

Tisimu 73:23

Hambu zi hi tano, nzi na wena masiku wontihe; U nzi khomile hi canja ga wena ga xinene.

Tisimu 78:37

Hakuva a timbilu tabye ti wa nga namarelangi kakwe, Kambe a va tsumbekangi xivumelwaneni xakwe.

Eksodusi 19:5

Makunu lezi, loku mu ingisa a gezu ga mina, mu hlayisa a xivumelwano xa mina, mu tava tshomba ya mina nwinyi ku hunza manwani matiko hakuva a misava yontlhe nja mina. Deut. 5:2; 1 Kor. 10:28; Tit. 2:14

Eksodusi 32:8

Va hatlisile ku hambuka ndleleni leyi nzi va leleteleko yona; va ti mahele a role gi nyekisilweko, va khizama mahlweni ka gona, va gi khozela, va gi mahele miphahlo, vaku: Hi yena nungungulu wa wena, Israeli, loyi a ku humesileko tikweni ga Gipite!

Xizimba xa ka Solomoni 8:5

Himani loyi a tako hi le xiwuleni, A khegeleko laha ka muranziwa wakwe? Nzi lo ku vuxa na u hi hasi ka sinya ya mamasa, Laho u belekelweko kona hi mamani wa wena, Kwalaho a ngazwa kubayiseka, a ku beleka.

Isaya 24:5

Ni misava yi nyenyezisilwe hi vaaki va yona, Hakuva va hambunyetile milayo, va hunzule ziyimiso; Va tshova xivumelwano xa kala kupinzuka.

Isaya 41:13

Hakuva hi mina Jehova Nungungulu wa wena loyi nzi khomako a canja ga wena ga xinene, Nziku: U nga chavi, nzi ta ku vunetela. Deut. 31:6; Jox. 1:9

Isaya 54:5

Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Jeremia 11:3

uku ka vona: Jehova, a Nungungulu wa Israeli i ngalo: I rukatelwe a munhu loyi a nga ingisiko a timhaka ta lexi xivumelwano, Deut. 27:26; Gal. 3:10

Jeremia 11:4

lexi nzi layeleko a vararu va nwina a siku lego nzi va humesileko a tikweni ga Gipite, a phingweni ga nyunzo ya xiketse, nziku: Ingisani a gezu ga mina, mu maha zontlhe lezi nzi mu rumako; zonake mu tava tiko ga mina, na mina nzi tava Nungungulu wa nwina, Ekso. 19:5; 1 Tih. 8:51

Jeremia 2:2

Yana, kanyuluka tindleveni ta Jerusalema, uku: Jehova i ngalo: Nza alakanya a wunene ga wuswa ga wena, Ni liranzo la wena xikhatini xa kuwutiwa ka wena; Laha u nga kari u nzi lanzela le xiwuleni, A ka tiko legi gi nga kala gi nga byaliwangi.

Jeremia 22:9

Zonake va ta hlamula, vaku: Hakuva va tsikile a xivumelwano xa Jehova Nungungulu wabye, Va ya khozela vanwani vanungungulu, ni ku va tirela.

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 31:1

A xikhatini lexo, ku wula Jehova, nzi tava Nungungulu wa tontlhe tixaka ta ka Israeli, vona va tava vanhu va mina.

Jeremia 34:13

Jehova, a Nungungulu wa Israeli, i ngalo: Nzi lo maha xivumelwano ni vakoko va nwina a sikwini lego nzi nga va humesa a tikweni ga Gipite, a ndlwini ya wukhumbi,

Jeremia 34:14

nziku: A kumbheleni ka ntlhanu wa malembe ni mambiri a munwe ni munwani i ta tlhatlha muHeberu-kulobye loyi a ti xavisileko ka nwina; i ta ku tirela a ntlhanu wa malembe ni ginwe, zonake u ta mu tsika a tlhatlheka; kanilezi a vakoko va nwina a va nzi ingisangi, hambu ni ku panga tindleve. Ekso. 21:2; Levi 25:39; Deut. 15:12

Ezekieli 16:8

Laha nzi nga hunza laha u nga hi koha, nzi lo wona lezaku a xikhati xa Wena xa liranzo xi wa chikele; nzi lo tshambuluta a nkumba wa mina hehla ka wena, nzi fenengeta a wumbyiri ga wena. Ina, nzi lo ku hlambanyela; nzi maha xivumelwano zinwe na wena, zonake u lo maha wa mina, ku wula Hosi Jehova. Gen. 22:16; Rute 3:9; Hos. 2:2

Ezekieli 20:37

Nzi ta mu maha mu hunza hi lahasi ka nhonga, nzi mu tisa xibohweni xa xivumelwano. Levi 27:32

Ezekieli 23:4

A mavito yabye, loyi wa nhonzwa hi Ohola, a nzisana hi Oholiba. Va lo maha va mina, va beleka vafana ni vanhanyana. A mavito lawa, Ohola hi Samaria, na Oholiba hi Jerusalema.

Hosea 11:1

Laha Israeli a nga wa hi nwanana, nzi lo mu ranza, nzi vitana a nʼwana wa mina a huma le Gipite. Ekso. 3:8; Mat. 2:15

Hosea 2:2

Khongotelani a nyine wa nwina, hakuva yena a hi sati wa mina, minawu a nzi nuna wakwe. A suse wubhayi gakwe nghoheni yakwe, ni wuoswi gakwe maveleni yakwe.

Hosea 3:1

Zonake Jehova aku ka mina: Engeta u famba u ya ranzana ni wasati a nga ni xigangu, loyi a nga xibhayi; a ku khwatsi hilezi Jehova a ranzisako zona a vanana va ka Israeli, hambu loku vona va hunzulukela vanwani vanungungulu, va ranza zikhekhetselo za tisote.

Levi 26:15

ni loku mu kanyisa a zileletelo za mina, ni loku mihefemulo ya nwina yi nyenya a ziyimiso za mina, mu nga ha hlayisi milayo ya mina yontlhe, kanilezi mu tshova xivumelwano xa mina,

Marku 8:23

Yena i lo khoma a xikhumu hi canja, a xi humesa mutini; laha na a phelele a mahlo ya xona, i lo tlhateka mandla yakwe hehla ka xona, a xi wutisa, aku: Wa wona nchumu ke? Xip. 7:33

Johani 3:29

Loyi a nga ni mutekiwa hi yena muteki; kanilezi a nyatsumi wa muteki, loyi a yimako kona a muzwa, wa tsaka nguvu hi kota ya gezu ga muteki; hi kona kutsaka loku ku tatisekileko ka mina. Mat. 22:2; Efe. 5:25; Kuv. 21:9

Mitiro 23:19

A nduna ya hombe yi lo mu khoma hi canja, yiya naye tlhelweni, yi ya mu wutisa, yiku: I mhaka muni u lavako ku nzi byela yona ke?

2 Va le Korinte 11:2

Nza lusa ha nwina hi xiluse xa Nungungulu; hakuva nzi lo mu nyikela a ku wutiwa hi nuna munwe, kasi nza fela ku mu yisa ka Kristu na mu hi nhwana a basileko. Levi 21:13; Hos. 2:19; 1 Kor. 4:15; Gal. 4:17; Kol. 1:28

Deuteronome 1:31

Ni lomu xiwuleni mu wonile lezaku Jehova, Nungungulu wa wena, i lo ku beleka kota loku munhu a beleka nwanana wakwe, ka yontlhe ndlela leyi mu fambileko ka yona kala mu ta chikela laha. Deut. 32:10

Deuteronome 29:1

Leti hi timhaka ta xivumelwano lexi Jehova a nga leletela Mosi a ku maha zinwe ni vanana va ka Israeli le tikweni ga Moabi, ahandle ka xivumelwano lexi a nga xi maha zinwe navo le Horebe.

Deuteronome 29:21

Na Jehova i ta mu pambula a mu veka tlhelweni ka tinyangwa tontlhe ta ka Israeli, i ta welwa hi makhombo ni tinzhukano tontlhe ta xivumelwano lexi xi tsalilweko bhukwini legi ga milayo.

Deuteronome 29:24

A vamatiko vontlhe va taku: Jehova i mahele yini lezi zilo ka legi tiko? Xana ka kuyini a kuvura ka zanga leyi ya hombe ya kunghahi ke?

Deuteronome 31:16

Jehova i te ngalo ka Mosi: Wena U ta etlela zinwe ni vararu va wena; kanilezi lava vanhu va ta ya hlakana hi wuoswi ni vanwani vanungungulu va tiko lego va yako ka gona; va ta nzi tsika va hambunyeta xivumelwano lexi nzi mahileko zinwe na vona.

Deuteronome 31:20

Hakuva nzi ta va chiketa tikweni legi nzi hlambanyileko ka vararu vabye a ku va nyika, a tiko gi khulungako masi ni wulombe; laha va ta ngaga va xura, va kuluka, va ta sangula ku hunzulukela vanwani vanungungulu va va khozela, va nyenya mina, va hambunyeta xivumelwano xa mina.

Deuteronome 5:2

Jehova Nungungulu wa hina i mahile xivumelwano zinwe na hina le Horebe. Ekso. 19:5

Deuteronome 5:3

Jehova a nga mahangi lexi xivumelwano ni vararu va hina, kanilezi i zi mahile na hina lava hi nga kona laha nyamutlha, ha ha hanyako hontlhe.

Maheberu 8:9

Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; Hakuva a va simamisangi xivumelwaneni xa mina, Na minawu a nzi va khatalelangi, ku wula Hosi.