Jeremia 31:31 - Tshwa Bible

³¹ Languta, a masiku ma tata, ku wula Jehova, Lawa nzi to maha a xivumelwano xiswa ni yindlu ya Israeli, ni yindlu ya ka Juda.

Jeremia 31:31 교차 참조

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Jeremia 30:3

Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 31:27

Langutani, a masiku ma hata, ku wula Jehova, lawa nzi to byaleta a tiko ga ka Israeli ni tiko ga ka Juda hi mbewu ya vanhu ni mbewu ya zihari.

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Amosi 9:13

Jehova i ngalo: A masiku mata lawa a murimi a ta nga lanza a mabata ya mutshoveli, ni mukameli wa mauva a ta nga lanza a mubyali wa mbewu; a zitsunga zi ta donela vinya go tsombela, ni miganga yontlhe yi ta nyeka.

Mateu 26:28

hakuva lexi hi nkhata wa mina wa xivumelwano xiswa, lowu wu halatelwako a vanyingi a kutsetselelweni ka zionho. Ekso. 24:8; Jer. 31:31; Rom. 5:15

Marku 14:24

Aku ngalo kabye: Lowu hi nkhata wa mina wa xivumelwano, lowu wu halatelweko a vanyingi.

Luka 22:20

Zinghaho ni gombe anzhako ka xilalelo, aku: Legi gombe hi xivumelwano xiswa nkhateni wa mina, lowu wu halatelwako nwina. 1 Kor. 10:16

1 Va le Korinte 11:25

Zinghaho anzhako ka xilalelo i lo teka a gombe, aku: A gombe legi hi xivumelwano xiswa nkhateni wa mina; ni xihi xikhati mu gi nwako, mahani lezo kasi ku nzi alakanya. Maheb. 9:15

2 Va le Korinte 3:6

loyi a nga hi maha a kuva hi ringana a ku maha zitiri za xivumelwano xiswa; na ku nga hi lexi xa kutsala, kanilezi xa Moya; hakuva a nayo wu tsalilweko wa daya, kanilezi a Moya wa hanyisa. Jer. 31:31; Joh. 6:63; Mat. 26:28; Rom. 2:27; 3:20; 7:6; 8:2

Va le Galatia 6:16

A kurula ni wuxinji a kuve ka vontlhe lava va ta nga famba hi nayo lowu, ni ka vaIsraeli va Nungungulu. Tis. 125:5

Deuteronome 29:14

A nzi mahi lexi xivumelwano, ni ku hlambanya xifungo lexi ka nwina nwece;

Va le Filipi 3:3

Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11

Maheberu 12:24

ni ka Jesu a mutlhanganyisi wa xivumelwano xiswa, ni ka nkhata wa kunwatsekela, lowu wu wulako a timhaka ti nene to hunza a wa Abeli. Ekso. 24:8

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Maheberu 7:12

Hakuva loku a wupristi gi hunzuluswa, ku la eka lezaku ku hunzuluswa ni nayo kambe.

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5