Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.
U ta wula ka vona, uku: Hosi Jehova i ngalo: Langutani, nzi ta humesa, a vanana va ka Israeli lomu matikweni lawa va yileko ka wona, nzi ta va tsombanyisa hi ka matlhelo wontihe, nzi va wuyisa a tikweni gabye,
Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.
Va ta zi tiva lezaku hi mina Jehova a Nungungulu wabye, loyi nzi nga va yisile matikweni va hi tikhumbi, nzi tlhela nzi va tsombanyisa lomu tikweni gabye, nzi nga ta siya ni munwe wabye lenzhako,
Nzi ta mu tlhelisela a zivina zakwe, nzi maha a nkova wa Akora wuva a nyangwa ya kutsumba. Kwalaho i ta yimbelela khwatsi hi masikwini ya wuswa gakwe, ni kukotisa a sikwini legi a nga huma tikweni ga Gipite. Ekso. 15:1; Isa. 65:10
Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1
Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3
