Jeremia 31:15 - Tshwa Bible

¹⁵ Jehova i ngalo: A huwa ya zwala le Rama, Ya hlomulo ni mihloti ya xiviti, Hi Rakeli a rilelako zihlangana zakwe, Wa ala ku chavelelwa kota lezi a vana vakwe va teku bhi.

Jeremia 31:15 교차 참조

Genesisi 35:19

Zinghaho Rakeli i lofa a lahliwa laha ndleleni ya kuya Efrata, ku nga Betlehema.

Genesisi 37:35

A vafana vakwe vontlhe ni vanhanyana vakwe vontlhe va lo mu chavelela, kanilezi i lo ala ku chavelelwa, aku: Nzi ta relela nziya kufeni a ka nʼwana wa mina hi hlomulo. A raru wakwe i lo mu rilela.

Genesisi 42:13

Vaku kakwe: Hina malanza ya wena hi 12 wa vavanuna, a vana va munhu munwe le tikweni ga le Kanani; loyi wa tsongwani i sele kaya ni dadani wa hina, kanilezi munwani a nga hi kona.

Genesisi 42:36

Jakobe a raru wabye, aku ka vona: Ma nzi mbhetela vanana! Josefa a nga ha hi kona, yenawu Simoni a nga ha hi kona, lezi mu lava ku nzi tekela na Benjamini. Zontlhe zo nzi xanisa mina!

Genesisi 5:24

Enoki i lo famba zinwe na Nungungulu; na yena i lo nyamalala, hakuva i lo tekwa hi Nungungulu. Maheb. 11:5

Joba 7:21

Hikuyini u nga tsetseleliko zihambunyeto za mina, U susa kugoha ka mina ke? Hakuva lokuloku nzi ta etlela tshurini, Loku u nzi lava ni mixo, nzi ta vumaleka.

Tisimu 37:36

Kanilezi laha nzi nga hunza, i wa nga hi kona; Nzi lo mu lava, kanilezi a nzi mu kumangi.

Tisimu 77:2

Hi siku ga kuxaniseka nzi lo lava Hosi, Nzi lo nawuluta a woko ga mina ni wusiku, nzi nga karali; A muhefemulo wa mina wu lo ala ku tangaliswa.

Isaya 10:29

Va hunzile nzhelelweni xikari ka zitsunga, Ni wusiku va govela le Geba. Rama wa chava, ni Gibea wa Saule i tsutsumile.

Isaya 22:4

Hikwalaho nzi nge ngalo: Mu nga nzi cuwuki, kasi nza tsikwila, Mu nga ti karati mu nzi chavelela hi kota ya kulobyiswa ka nhwana wa tiko ga mina.

Jeremia 10:20

A tenda ga mina gi hahlulwe, Ni tingoti tontlhe ta mina ti tsemekile. A vana va mina va nzi pfhukile, a va kona; A nga kona a nzi gwimbelako a tenda ga mina, Ni ku haxa a michachalato ya mina.

Jeremia 40:1

A mhaka leyi yi tileko ka Jeremia hi ka Jehova anzhako ka kuva Nebuzaradani nduna ya vanyakasani a mu tlhatlhisile le Rama, laho a nga mu kuma kona na a bohilwe hi mangenje, na a hi xikari ka lava va khomilweko vontlhe va Jerusalema ni ka Juda, lavo va nga yiswa a wukhumbini le Babuloni.

Mikosi 5:7

Vadadani va hina va onhile, makunu a va ha hi kona, Hi hina hi rweleko a zigoho zabye. Ekso. 20:5; Ezek. 18:2

Ezekieli 2:10

Yena i lo gi tshambuluta mahlweni ka mina; gi wa tsalilwe lomu nzeni ni lahandle. Ku wa tsalilwe ka gona a xirilo, ni mikosi, ni makhombo.

Joxua 18:25

Ni Gibeoni, ni Rama, ni Beeroti;

Valamuli 4:5

I wa tshamile lahasi ka sinya ya cinzu wa Debora xikari ka Rama na Beteli le xitsungeni xa ka Efraime. A vanana va ka Israeli va lo kanziha va ya lamulwa hi yena.

1 Samueli 7:17

Zonake a wuya kaya kakwe le Rama; hi kwaleyo a nga wa tshama kona a lamula Israeli. I wa akile a alati ga Jehova leyo.