25 A hi weni hasi tinganeni ta hi na, Hi fenengela tona; Hakuva hi onhele Jehova a Nungungulu wa hina, Hina zinwe ni vadadani va hina kusukela wusweni kala nyamutlha; A hi ingisangi a gezu ga Jehova a Nungungulu wa hina.
A vadadani va hina a va khatalelangi zihlamaliso za wena le Gipite, A va alakanyangi a wuxinji ginyingi ga wena, Kanilezi va lo ku hluwuka le bimbini, gi nga Bimbi go Pswhuka.
Cima a ku na nga zizwa, ge hambu ku zi tiva, A ndleve ya wena yi wa nga se ku vululiwa; Hakuva nzi wa zi tiva lezaku a ku tsumbeki, Kusukela rumbyini ga nyine wa wena u vitanilwe lezaku u muhambunyeti.
Nwina nwentlhe mu dzivelako nzilo, Mu hloma tihunyi ti vurako, Fambani malangavini ya nzilo wa nwina, Ni lomu tihunyini mu ti dziveleko. Lezo zi ta mu humela hi lomu canjeni ga mina, Mu ta etlela kuxanisekeni.
Hakuva a tsengo wa vanungungulu va wena wu ringana ni wa miti ya wena, O Juda! Mu yimisile a maganzelo ka lexi xa tingana ma ringana ni tsengo wa maruwa ya lomu Jerusalema: ma nga maganzelo yo hisela libani ka Baali. 2 Kro. 28:24
Va byalile mavele, va tshovele mizwa; Va ti karatile mahala. Mu tava ni tingana hi kota ya kutshovela ka nwina, Ni kota ya kuhisa ka khulo ga Jehova. Levi 26:16; Deut. 28:38; Hag. 1:6
Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.
Yana, kanyuluka tindleveni ta Jerusalema, uku: Jehova i ngalo: Nza alakanya a wunene ga wuswa ga wena, Ni liranzo la wena xikhatini xa kuwutiwa ka wena; Laha u nga kari u nzi lanzela le xiwuleni, A ka tiko legi gi nga kala gi nga byaliwangi.
Ku khwatsi hi khamba loku gi kumilwe, gi na ni tingana. Hilezo a yindlu ya Israeli yi ni tingana, Zinwe ni tihosi ta yona ni tihosana ta yona, A vapristi va yona ni vaprofeti va yona,
Nzi wulawulile ka wena kuvuvumeni ka wena, Kanilezi uku: Nzi nga ta ingisa. Hi wona a mahanyela ya wena kusukela wuhlangini, Yaku, u nga tazwa a gezu ga mina.
Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.
Anzhako na nzi hunzulukile, nza ti sola; Zonake loku nzi tivile a wutsumbu ganga nzi lo tiba tshambukhulu; Nzi si koyo tingana, nzi kanganyiseka, Hakuva nzi rwele a xisolo xa wuswa ga mina.
O nhwana wa vanhu va mina, Ti ambexe hi sakwa, u puluwunza khumeni; Bana nkosi kota loku ku rilelwa a nʼwana munwe yece, A hlomulo wa xiviti; Hakuva a muhahluli i ta hi tela hi xitshuketi.
Hikuyini ha ha tshamako laha ke? Tsombanani, hi ya enghena mitini ya makhokhola, Hi yafa kona; Hakuva Jehova a Nungungulu wa hina I lava ku hi lobyisa, Wa hi nwisa wutsulu, hakuva hi onhele Jehova.
Aku ka mina: Nʼwana wa munhu, Nza ku ruma ka vana va ka Israeli, a ka mifumo leyi yi hluwukileko, leyi yi nzi vukelako. Vona hi vadadani vabye va nzi gohele kala ni lezi.
Zi tiveni lezaku a nzi mahi lezi hi kota ya nwina, ku wula Hosi Jehova. Ngha muva ni tingana, mu kanganyiseka hi kota ya tindlela ta nwina va yindlu ya ka Israeli.
Va nga ta tshinela ka mina, a ku ta tira a ntiro wa wupristi, ge hambu ni ku khumba a zibya za mina zo basa a wutshanwini gi hunzeleleko ku basa. Kanilezi va ta rwala a tingana tabye ni manyalataniso yabye lawa va ma mahileko. Mitse. 4:19; Hos. 4:6
Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28
Nzi thumbile Israeli khwatsi mauva ya lomu xiwuleni; nzi wonile a vadadani va nwina khwatsi mihanzu yo sangula ya nkuwu wa ha tewulako. Kanilezi vona va lota le Baal-peora, va ti nyikela ka nungungulu wa tingana, vave manyalataniso ku fanana ni loyi va nga mu ranza. Mitse. 25:3; Jer. 3:24
Nzi ta neha a hlokiselelo xikari ka vanhu, kasi va fela ku famba khwatsi zikhumu, hakuva va onhele Jehova. A nkhata wabye wu ta hangalaswa khwatsi i tshuri, hi mimiri yabye kukotisa a koho.
Nzi wa te ngalo: Mu nga mahi xivumelwano ni vaaki va tiko legi; kanilezi khungumulani maalati yabye. Kanilezi a mu ingisangi a gezu ga mina. Hi kuyini mu mahileko lezi ke?
