11 Hanania i te ngalo mahlweni ka vontlhe vanhu: Jehova i ngalo: Nzi ta pfutlatisa zalezi a muyoko wa Nebukadnezzare, hosi ya Babuloni, tinhanwini ta matiko wontihe loku ku hunzile a malembe mambiri. Muprofeti Jeremia i lo ti fambela ndleleni yakwe.
Na yena i te ngalo kakwe: Minawu nzi muprofeti kota wena. A ngelosi ya Jehova yi lo wula ka mina yiku: Mu tlhelise a wuya lomu ndlwini ya wena a taga zakuga anwa mati. Kanilezi i wo hemba mawunwa.
Zonake a hosi ya ka Israeli yi lo tsombanyisa a vaprofeti Xipimo xa 400, aku kabye: Xana nzi famba nzi ya hlasela le Ramote-Gileade, kutani nzi ngayi ke? Vona vaku: Kanziha, u famba, hakuva Jehova i ta nyikela gona mandleni ya hosi.
Jehova i lo nzi hlamula, aku: A vaprofeti va profeta mawunwa vitweni ga mina. A nzi va rumangi, a nzi va layangi; a nzi wulawulangi nchumu kabye. Va profeta ka nwina a miwoniso ya mawunwa ni kuvumba, a zilo za mahala za kukhohlakala ka timbilu tabye.
Va kanela hi kusimamisilweko a ka lava va nzi kanyisako, vaku: Jehova i ngalo: Mu ta tshameka khwatsi. Ni ka vontlhe va fambako hi kunonoha ka timbilu tabye, vaku: Gi nga tata khombo hehla ka nwina!
Muprofeti Jeremia i lo engeta a wula ka muprofeti Hanania, aku: Ingisaka, Hanania; Jehova a nga ku rumangi; kanilezi u maha lezaku lava vanhu va tsumba mawunwa.
