Jeremia 25:29 - Tshwa Bible

²⁹ Hakuva, hi nga wonani a muti lowu wu vitiwako hi vito ga mina, nzi sangula ha wona nzi wu tsayisa; xana nwina mu ta tsikiwa mu nga tsayiswi ke? Mu nga ta tsetselelwa, hakuva nzi ta hloma supado, yiba a vaaki vontlhe va misava, ku wula Jehova wa tiyimpi. Ezek. 9:6; 1 Ped. 4:17

Jeremia 25:29 교차 참조

1 Tihosi 8:43

mu ingise na u hi kwaseyo tilweni laho u tshamako kona, u mu mahela zontlhe lezo a muluveli loye a zi kombelako ka wena, kasi a matiko wontihe ya laha misaveni ma ta tiva a vito ga wena; ma ku chava kota a vanhu va wena va ka Israeli, va tiva lezaku a vito ga wena gi khongelwa ndlwini leyi nzi yi akileko. Isa. 56:6; Mat. 21:13

Mavingu 11:21

A wa kubiha cima a nga ta pona ku tsayiswa; anilezi a pswalo wa loyi a lulamileko wu ta hlangutwa.

Mavingu 11:31

Langutani, a valulamileko va ta kuma nchachazelo laha misaveni; u ta kuyini ka wa kubiha ni muonhi! 1 Ped. 4:17

Mavingu 17:5

Loyi a tseketselako xisiwana i rukatela Mumahi wa xona; i loyi a tsakako hi hlokiselelo ya vanwani a nga ta pona tsakiselelo.

Isaya 10:12

Kanilezi loku a Hosi yi mahile wontihe ntiro wa yona hehla ka xitsunga xa Zioni ni le Jerusalema, nzi ta tsayisa a hosi ya le Assiria hi kota ya kutikulisa ka mbilu ya yona, ni matshanza ya mahlo ya yona, 2 Tih. 19:35

Jeremia 13:13

Zonake u taku kabye: Jehova i ngalo: Languta, vontlhe vaaki va legi tiko, na tona tihosi ti tshamako xitshanwini xa wuhosi xa Davida, ni vapristi, ni vaprofeti, ni vaaki vontlhe va Jerusalema, nzi ta va tatisa hi kupopiwa.

Jeremia 19:3

Uku: Zwanani a mhaka ya Jehova, nwina tihosi ta Juda, na nwina vaaki va Jerusalema; Jehova wa tiyimpi, a Nungungulu wa ka Israeli i ngalo: Langutani, nzi ta neha khombo wutshanwini legi, lego kani hi mani a to gizwa a tindleve takwe ti ta tinga. 1 Sam. 3:11; 2 Tih. 21:12

Jeremia 30:11

Hakuva nzi zinwe na wena, Kasi ku ku hanyisa, ku wula Jehova. Hakuva nzi ta mbhetisa wontihe a matiko Lawo nzi ku hangalasileko ka wona; Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 46:28

U nga chavi wena Jakobe, nanza ga mina, ku wula Jehova; Hakuva nzi zinwe na wena. Hakuva nzi ta mbhetisa wontihe a matiko Lawa nzi ku hangalasileko ka wona, Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 49:12

Hakuva Jehova i ngalo: Lava va nga yimelwe hi ku kala va nganwi a gombe, va tanwa futsi. Hi wena loyi u to kala u nga tsayisiwi ke? U nga ta tsikiwa, u tanwa futsi. Mik. 4:21; 1 Ped. 4:17

Ezekieli 14:17

Kutani loku nzi nga neha a supado hehla ka tiko lego, nziku: Supado gi ta tsemakanya a tiko, nzi hihirita vanhu ni zihari;

Ezekieli 14:21

Hakuva Hosi Jehova i ngalo: Nguvunguvu loku nzi rumela hi khati ginwe a mune wa zitsayiso za mina leʼzo biha hehla ka Jerusalema: ku nga supado, ni ndlala, ni zivanza, ni ntungu, a kuva zi hihirita a vanhu ni zihari? 2 Sam. 24:13; Kuv. 6:8

Ezekieli 38:21

Nzi ta vitana a supado yi talwa naye lomu zitsungeni zontlhe za mina, ku wula Hosi Jehova; a munhu ni munhu i ta khoma supado a vukela nakulobye.

Ezekieli 9:6

Hihiritani vaku bhi a zikhosana za vavanuna, ni majaha, ni vanhwana, ni zivanana, ni vavasati. Kanilezi mu nga henyi loyi a nga ni xifungo. Sangulani hi le ndlwini ya mina yo basa. Zonake va lo sangula hi zikhosana lezi zi nga hi mahlweni ya yindlu.

Obadia 1:16

Khwatsi hilezi mu nwileko xitsungeni xa mina xi basileko, wontlhe matiko ma ta simamisa ma nwisa zalezo; ma tanwa ma pswonga, ma ku khwatsi hi loku ma wa nga hi kona. Jer. 25:15; 49:12

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Luka 23:31

Hakuva loku va maha lezi ka sinya yo nyuka, ku taku yini ka leyi yi womileko ke? Mav. 11:31; Jer. 25:29; 1 Ped. 4:17

1 Pedro 4:17

Hakuva hi xona xikhati xa kuva a kulamulwa ku sangula ndlwini ya Nungungulu; loku ku ranga ha hina, ku ta kuyini a kugumelwa ka vona lava va nga ingisiko a ivangeli ya Nungungulu ke? Jer. 25:29; Lu. 10:12; 23:31