Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.
Zonake u zi rumela a ka hosi ya le Edome, ni ka hosi ya Moabi, ni ka hosi ya vana va ka Amoni, ni ka hosi ya Tire, ni ka hosi ya Sidoni, hi mitsumi yi tileko Jerusalema ka Zedekia, a hosi ya ka Juda,
Wa zi tiva lezaku Baalisi a hosi ya vana va ka Amoni i rumile Ixmaeli a nʼwana Netania a ku ta ku daya ke? Kanilezi Gedalia a nʼwana Ahikamu a nga va kholwangi.
Xungetano na Moabi, Jehova wa tiyimpi, a Nungungulu wa Israeli, i ngalo: Khombo ka Nebo, hakuva i hahlulwe; Kiriataime i wile tingana, i hlulilwe; Misgaba i wile tingana, i khungumulwe.
Xungetano ni vana va Amoni, Jehova i ngalo: Israeli a nga na vana ke? a nga na xigatshomba ke? Hikuyini Malkamu a fumelako Gadi, a vanhu vakwe va tshama lomu mitini ya kona ke? 1 Tih. 11:5; Ezek. 21:28; Am. 1:13
Xungetano ni ha Edome: Jehova wa tiyimpi i ngalo: Le Temani a ga ha hi kona wutlhari ke? A titlhari a ta ha hi na wusungukati ke? A wutlhari gabye gi mbhelile ke? Isa. 21:11; Ezek. 25:12; Am. 1:11
Gipite, na Juda, na Edome ni vana va Amoni, na Moabi, ni vontlhe ya akileko xiwuleni va nga ni misisi yi kayilweko mareveni. Wontihe matiko ma hi makhuna, ni yindlu yontlhe ya ka Israeli i khuna mbilwini. Levi 19:27; Miti. 7:51; Rom. 2:28
Ku na na Edome, a tihosi takwe ni tontlhe a tihosana takwe, leti ti etleleko ni lava va delweko hi supado hambu lezi ti nga hi ni ntamu. Ti ta etlela ni makhuna zinwe ni lava va relelako nkeleni.
Jehova i ngalo: Hi kota ya zionho zinharu za Edome, kutani mune wa zona, nzi nga ta susa a xitsayiso, hakuva i hlongolisile a nakulobye hi supado, a nga mu zweli wuxinji, a simamisa ku zangara, a tshama ni khulo hi masiku. Gen. 27:40; Mitse. 20:20; Isa. 34:5
Jehova i ngalo: Hi kota ya zionho ginharu za vana va ka Amoni, kutani mune wa zona, nzi nga ta susa a xitsayiso; hakuva va hanzulela a vavasati va le Gileade lava va nga ni tinyimba, kasi ku kulisa a tiko gabye.
Jehova i ngalo: Hi kota ya zionho zinharu za Moabi, kutani mune wa zona, nzi nga ta susa a xitsayiso, hakuva i hisile a marambu ya hosi ya le Edome ma kala ma maha mhemba.
A yindlu ya ka Jakobe yi tava nzilo, a yindlu ya ka Josefa yiva langavi, kanilezi a yindlu ya Esau yi tava byanyi go woma; va ta yi hisa va yi mbheta, ku nga ta pona ni munwe ka yindlu ya Esau, hakuva Jehova i wulile lezo.
