Jeremia 22:18 - Tshwa Bible

¹⁸ Hikwalaho Jehova i wula xungetano ha Jehoiakimu a nʼwana Josia, hosi ya ka Juda, aku: Va nga ta mu rilela, vaku: Yowe nakulori! Yowe makweru! Va nga taba nkosi ha yena, vaku: Yowe hosi! kutani, Yowe a wudumo gakwe!

Jeremia 22:18 교차 참조

2 Samueli 1:26

Nza ku bayisekela wena nakulori, Jonata! U wa nzi xalalisa nguvu. A liranzo la wena li wa nzi tsakisa, Li wa hunza ni liranzo la vava sati.

1 Tihosi 13:30

I lo veka a xirumbi lomu nkeleni wakwe wutsumbu, zonake va mu hlaluka, vaku: O, nakulori! Jer. 22:18

2 Tihosi 23:36

Jehoiakimu i wa hi ni 25 wa malembe a xikhati a nga sangula ku fuma; i lo fuma 11 wa malembe le Jerusalema. A vito ga nyine wakwe i wa hi Zebida nʼwana Pedaia wa le Ruma.

2 Tihosi 23:6

I lo humesa a xifananiso xa Axtarte lomu ndlwini ya Jehova, a zi yisa handle ka Jerusalema, le koveni wa Kidroni a ya zi hisa, a halata a khuma ga zona lomu xilahleni xa vanhu va tiko,

2 Tihosi 24:6

Jehoiakimu i lo etlela zinwe ni vararu vakwe; zonake a nʼwana wakwe Jehoiakina i lo fuma xikhundleni xakwe.

1 Kronekele 3:15

A vana va Josia: a matewula yakwe hi Johanani, ku gamela Jehoiakimu, a wunharu hi Zedekia, a wa wumune hi Xalluma.

2 Kronekele 35:25

Jeremia i lo chula lisimu lo rila Josia; a vayimbeleli va xinuna ni va xisati va lo wulawula a timhaka to rila Josia lomu tisinwini tabye kala nyamutlha. Va lo ti maha xileletelo lomu ka va ka Israeli. A timhaka leto ti tsalilwe lomu bhukwini ga tisimu ta Mikosi.

2 Kronekele 36:5

Jehoiakimu i wa hi ni 25 wa malembe a xikhati a nga sangula ku fuma; i lo fuma 11 wa malembe le Jerusalema. I lo maha kubiha mahlweni ka Jehova Nungungulu wakwe.

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 16:6

A vahombe ni vanana va tafa hi wumbiri gabye tikweni legi, na va nga lahliwi; a vanhu va nga ta va rilela, hambu ku ti tlhavela ni ku halula tihloko. Levi 19:28; Deut. 14:1; Mika 1:16

Jeremia 21:11

U taku ka yindlu ya hosi ya ka Juda: Zwanani a mhaka ya ka Jehova:

Jeremia 22:10

Mu nga rileli loyi a fileko, Mu ngabi nkosi hi kota ya yena; Kanilezi rilelani loyi a sukako, Hakuva a nga ta ha wuya, A ta wona a tiko legi a belekilweko ka gona.

Jeremia 22:12

Kanilezi i ta ya fela a wutshanwini va mu yisileko kona kukhonweni, a nga ta ha wona tiko legi.

Jeremia 34:5

U tafa hi kurula; u tava ni malahlelwa ya kuhiswa khwatsi hi kuhiswa ka vararu va wena, a tihosi ta kaleloko leti ti nga hi mahlweni ka wena; va ta ku rilela, vaku: Yowee, hosi! Hakuva hi mina nzi wulileko lezo, ku wula Jehova. 2 Kro. 16:14

Jeremia 36:30

Hikwalaho Jehova i ngalo xungetano ha Jehoiakimu, hosi ya ka Juda: A nga tava na nʼwana wo tshama xitshanwini xa wuhosi xa Davida; a xirumbi xakwe xi ta hoxiwa handle a munwini wa hlikanhi ni xiramini xa wusiku.