28 Makunu va kwihi a vanungungulu va wena lava u ti maheleko ke? Hi nga va tsika va yima, hi wona loku va zi kota ku ku hanyisa xikhatini xa makhombo! Hakuva a vanungungulu va wena va ringana ni tsengo wa miti ya wena, o Juda. Deut. 32:37; Vala. 10:14
Elixa i te ngalo ka hosi ya ka Israeli: Xana nzi na ni mhaka muni na wena? Famba ka vaprofeti va raru wa wena, ni ka vaprofeti va nyine wa wena! A hosi ya ka Israeli yiku kakwe: Ahihi, hakuva Jehova i vitanile a tihosi leti ta tinharu a ku ti nyikela mandleni ya vaMoabi.
Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.
Va mu tlakula, va mu rwala hi makatla, Va ya mu veka wutshanwini gakwe, Zonake a tshama laho, a nga zi koti ku suka. Loku va kanyuluka kakwe a nga hlamuli nchumu, Hambu ku va ponisa zikaratweni zabye.
Loku u rila ngha a xidlemo xa zifananiso za wena xi ku ponisa! Kanilezi a mheho yi ta zi kukuleta zontlhe, A moya wu ta zi yisa kule. Kanilezi loyi a nzi tsumbako i taga tshomba ya tiko, A xitsunga xa mina xa kubasa xi ta mu lumba.
Zonake nzi ta hlawutela a kulamula ka mina hehla kabye hi kota ya kubiha kabye kontlhe, hakuva va nzi tsikile, va ya hisa tibani ka vanwani vanungungulu, ni ku khozela a mitiro ya mandla yabye wutsumbu.
Zonake a miti ya ka Juda ni vaaki va Jerusalema, va ta ya rila ka vanungungulu lava va nga va hisela libani, kanilezi cima, va nga ta va ponisa a sikwini ga khombo gabye.
Hakuva a tsengo wa vanungungulu va wena wu ringana ni wa miti ya wena, O Juda! Mu yimisile a maganzelo ka lexi xa tingana ma ringana ni tsengo wa maruwa ya lomu Jerusalema: ma nga maganzelo yo hisela libani ka Baali. 2 Kro. 28:24
Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15
Israeli i vina wu tlhumileko nguvu, wu pswalako mihanzu. I anzisile a maalati yakwe maringano ni wunyingi ga mihanzu yakwe; laha a misava yakwe yi nga enzeleka ku nona, hi kona a nga engetela kusaseka ka zifananiso.
Xi vuna yini a xifananiso lezi a muvatli wa xona a xi vatlileko; ni xifananiso xi chululweko, lexi xi gonzisako mawunwa, lezi a mumahi wa xona a xi tsumbako, lezaku a zi maha na zi hi timbeveve ke?
Khombo a give ka yena loyi ange ka sinya: Vuka! aku ka ribye ga mbeveve: Suka! A xilo xa kunghahi xi nga gonzisa nchumu ke? Kunene xi nameketelwe a nzalama ni siliva, kanilezi a ku na moya nzeni ka xona.
